大灰熊廚房 (Under Renovation)

大灰熊廚房適合一家大細品嚐家庭式小菜及私房菜，食物款式多之餘價錢仲十分大眾化，今日點咗個2人餐先$188，真正出街食平過自己煮👍餐廳新淨舒服，乾淨企理。座位大部份以卡位形式，自然坐得舒適又可以自成一角食餐飽，亦有大圓枱供大家庭享用圍餐，牆身亦掛有獨木舟非常特別吸睛👍🌟　黃金粟米粟米乾身粒粒分明，粟米甜味十足，配上椒鹽方式更加香脆惹味👍🌟　椒鹽一口豆腐豆腐細細粒一口一粒食得過癮。豆腐外脆內軟，而且乾身得嚟又唔油膩，作為佐酒小食嘅話一流👍🌟　竹蔗茅根真材實料得嚟材料十足，味道清甜滋潤，食完熱氣嘢飲返杯潤一潤無得彈👍🌟　姬松茸燉湯 燉湯材料充足，姬松茸味道出眾，雞腳及瘦肉嘅甜味令到燉湯非常出色，而且燉湯非常清澈唔會有一層油係湯面，轉燉湯只需要+15蚊，絕對值得👍🌟　咖哩牛腩牛腩數量都幾多，咖哩香得嚟唔辣，配上大量洋蔥青椒非常惹味。薯仔同樣非常入味，入口粉軟，撈汁送飯一流👍🌟　蝦醬蒸腩肉腩肉肥瘦分明，肉質軟腍，經過蒸煮後腩肉吸收哂蝦醬咸香味，成為一道色香味俱全嘅菜式。咸香嘅腩肉配上白飯天衣無縫，真係食幾碗白飯都得👍