Video
Read full review
2013-08-17
47 views
今晚約o左一班舊同事食飯, 人多意見多多, 最後有人提議食點心, 諗諗下都好喎, 但係我們o係尖沙咀K11附近, 唔知周圍邊度可以搵到一間坐得又舒服, 又唔嘈o既地方可以一邊食點心, 一邊講八婆o野呢? 大家就隨手用手機試下睇下openrice有咩好介紹, 原來附近有一間叫"點心宅急便"o既新店 , 對面就係豚王拉麵, 所以都唔算好難搵到, 話咁快就到o左tim!!!一見到舖頭個門面設計真係好誇張, 我o地仲以為o黎錯o左, 唔係o下話, 食日本o野o架, 我地係o黎食"港式點心"果喎, 老友........@@..........好驚咁走o左入去!!!!第一個讚, 我o地最憎就係食o野都要等餐死先有得食, 好好彩, 我o地等o左一陣就可以入去食o野lu, 入到去地方雖然唔係好大, 但係真係比到超舒服o既感覺我o地, 唔睇menu, 你會以為係唔係鋸扒o架........哈哈哈.......不過真係好乾淨, 一D都唔似食點心果囉, 環境絕對o岩哂我o地要求, yeah~~二話不說, 我o地o拿o拿聲menu, 睇下有咩點心食先, 首先發現o左一個好特別o既食物 ==>鮑魚酥,
但係我們o係尖沙咀K11附近, 唔知周圍邊度可以搵到一間坐得又舒服, 又唔嘈o既
地方可以一邊食點心, 一邊講八婆o野呢?
大家就隨手用手機試下睇下openrice有咩好介紹, 原來附近有一間叫"點心宅急便"
o既新店 , 對面就係豚王拉麵, 所以都唔算好難搵到, 話咁快就到o左tim!!!
一見到舖頭個門面設計真係好誇張, 我o地仲以為o黎錯o左, 唔係o下話, 食日本o野
o架, 我地係o黎食"港式點心"果喎, 老友........@@..........好驚咁走o左入去!!!!
第一個讚, 我o地最憎就係食o野都要等餐死先有得食, 好好彩, 我o地等o左一陣就
可以入去食o野lu, 入到去地方雖然唔係好大, 但係真係比到超舒服o既感覺我o地,
唔睇menu, 你會以為係唔係鋸扒o架........哈哈哈.......不過真係好乾淨, 一D都
唔似食點心果囉, 環境絕對o岩哂我o地要求, yeah~~
二話不說, 我o地o拿o拿聲menu, 睇下有咩點心食先, 首先發現o左一個好特別o既
食物 ==>鮑魚酥, 最重要睇下幾錢先......哇哈哈.....講你都唔信, 50蚊都唔駛, 唔
係o下話, 唔通係假o野?! 唔理咁多, 每人一件先, 唔好食最多比佢呃一次, 其他o既
點心, 我地機乎全部都點哂 咁滯, 人多實在太好, 可以叫多D唔同款o既食, 呵呵~~
等o左大約10分鐘左右, 有得食, wow......樣樣點心都好精緻, 同鴻星食果D動物點
心有得fight, 腸粉很細心喎, 碟上已經分好一件件比我們地, 賣相就真係可以話very
good, 唔知味道又如何呢?!
腸粉 = 即拉好鬼滑, 叉燒好足料 ★★★★
菜苗餃 = 個皮真係好鬼綠, 因為都有蝦, 所以當佢蝦餃咁食, 蝦都好爽口喎,
口感很豐富耶 ★★★★
黑松露素菜餃 = 從來都未試過黑松露面用於港式點心, but.....都好好食喎 ★★★★
蟹粉小龍包 = 勁多汁, 蟹粉味超濃, 正 ★★★★★
鳳眼餃 = 有兩粒小小鮑魚仔o係上面, 原來都係有蝦o架 ★★★★
鳳爪 = 其實無乜可以特別讚佢, 但係係我最鍾意食, 味道剛剛好係我食開果種味道 ★★★★
排骨 = 只可以講係合格, 因為無雪味, 不過我就麻麻地 ★★★
雞扎 = 係用正宗魚肚o既, 好彩唔係蟹柳, 好多酒樓都放火腿或者蟹柳的啊★★★★
燒賣 = 好好味, 無乜肥豬肉, 又係我最鍾意食o既 ★★★★★
春卷 = 好脆口喎, 即叫即做就係咁好 ★★★★
菠蘿焗餐包 = 呢個唔讚唔得, 因為真的很很很好味, 菠蘿酥皮, 好脆口, 裡面原來係
叉燒包, 好正 ★★★★★
登....登....登....登....重頭戲了.......
鮑魚酥 = 食點心食得我地幾招積,哈哈哈....... 鮑魚都幾大隻, 酥餅裡面仲有雞肉粒,
因為都幾大件, 所以我地唯有分開食, 食o左鮑魚先, 之後再食個酥餅, 唔係好識
形容果個味道, 我諗大家真係要自己親身o黎試下先感受到, 味道只可以講......
真的好好食 ★★★★★
結果, 我地個個都食到好飽, 好飽, 連甜品都食唔落了........雖然我地已經食哂o野, 但係D
人都無趕我地走, 唔理我地坐幾耐, 不過我地都識做, 見到有人等位, 我地就走人啦, 嘿嘿!!
其實仲有其他可以o係酒樓食到o既點心, 佢地都有, 之不過真係好難樣樣講哂出o黎~~
整體o黎講呢間點心店各樣o野的確好有水準, 完全可以擊敗對面o既豚王拉麵呀!!
如果有VIP咭咁就好囉, 而且如果佢地可以開到通宵的話, 我諗會仲受歡迎呢, 11點半就關門,
我地想坐耐o的都唔得呀, 不過我會同其他朋友, 屋企人再o黎幫襯o既, 希望下次有更多驚喜~
Post
