Video
Read full review
2009-03-16
18 views
成日心思思想打邊爐，本來諗住買返屋企打，點知去到旺角街市搵隻帶子睇下先無。出街打，去邊度好？老坑好嘛？上前食左又唔sure今次去到有無煲仔飯(老爸想食煲仔飯呀嘛！)見到雜誌介紹老三，雖然位置比較隔涉，不過都去試下啦。去到叫左老鴨湯底，手切肥牛，招牌餃，四寶丸，醉雞丸，雜菇。想叫海鮮又唔知叫咩好，因為我最愛既帶子佢又無價錢>.<結果姐姐介紹左我地食"青島刀貝"，都好喎，反正未試過！另外仲送左碟雜菜添首先梗係飲湯先啦，有人幫我地筆湯，又問我地食唔食蔥，我地話食就即刻幫我地筆埋D蔥花落去齊齊飲，佢話香好多喎。個湯味道都唔錯，不過以我呢個唔飲湯既人，真係唔識點評佢係咪好湯啦！刀貝超新鮮同好乾淨，就算開晒殼都見到D刀貝係咁郁，個樣有D似肉色既北寄貝咁囉。見到咁新鮮，都知係好野！牛肉都算几大碟，又淋又滑，不過肉味只算一般，未算濃四寶丸都夠彈牙，不錯！醉雞丸又係呢度既另一招牌食物，一場黎到，梗係要試下啦。通常打邊爐既丸都不外乎豬牛魚蝦墨魚，手打雞丸？真係未試過！聽聞為左令雞丸比較彈牙，係加左蝦膠落去一齊打呢，至於個心就係花雕酒！wow~~~ 期待呀！未淥既時候老闆已經提醒我地食得要小
出街打，去邊度好？老坑好嘛？上前食左又唔sure今次去到有無煲仔飯(老爸想食煲仔飯呀嘛！)
見到雜誌介紹老三，雖然位置比較隔涉，不過都去試下啦。
去到叫左老鴨湯底，手切肥牛，招牌餃，四寶丸，醉雞丸，雜菇。想叫海鮮又唔知叫咩好，因為我最愛既帶子佢又無價錢>.<
結果姐姐介紹左我地食"青島刀貝"，都好喎，反正未試過！另外仲送左碟雜菜添
首先梗係飲湯先啦，有人幫我地筆湯，又問我地食唔食蔥，我地話食就即刻幫我地筆埋D蔥花落去齊齊飲，佢話香好多喎。
個湯味道都唔錯，不過以我呢個唔飲湯既人，真係唔識點評佢係咪好湯啦！
刀貝超新鮮同好乾淨，就算開晒殼都見到D刀貝係咁郁，個樣有D似肉色既北寄貝咁囉。見到咁新鮮，都知係好野！
牛肉都算几大碟，又淋又滑，不過肉味只算一般，未算濃
四寶丸都夠彈牙，不錯！
醉雞丸又係呢度既另一招牌食物，一場黎到，梗係要試下啦。通常打邊爐既丸都不外乎豬牛魚蝦墨魚，手打雞丸？真係未試過！聽聞為左令雞丸比較彈牙，係加左蝦膠落去一齊打呢，至於個心就係花雕酒！wow~~~ 期待呀！未淥既時候老闆已經提醒我地食得要小心D，會爆漿...
淥好一入口真係好彈牙，個心既酒味都好濃。唔飲得酒既媽媽已經唔敢食個心，將個心倒晒出黎，唉！真嘥料！
招牌餃漏左單，不過一出聲，老闆就好快拎返黎比我地。D餃好細隻，不過好似有成十二隻咁多。入面有D菜同木耳同少少肉，都几好味
菜都可以，但d秀珍菇就有d苦苦地，可能唔係咁靚啦。我地本來想叫個雜菜，但我又想食菇，雜菜&雜菇又太多，最後姐姐叫我地嗌一個雜菇，然後送個雜菜比我地呢！
服務真係唔錯，不過有時略嫌太過熱情。同埋呢度要收前菜錢同埋醬料。
後記：回程時媽媽o係巴士上好似醉左咁...哈哈哈！我同爸笑佢食醉雞丸食到醉左，雖然佢堅持話唔係...XD
Post