SP Flower & Tea Room (太古城中心) (Closed)

之前試過SP Flower 係尖沙嘴嘅分店，好滿意佢地嘅食物同服務，只可惜週末去要限時90分鐘，坐唔耐。今次試下太古新店，可能位置比較入，唔當眼，所以2點幾walk-in都有好多位，員工無話限時，仲有lunch set tim😊我同朋友都叫咗雞扒，分別係配waffle同包，兩款都好味！沙律菜配日式芝麻醬，每片菜都均勻沾上醬汁，唔需要自己撈。跟餐有南瓜湯同咖啡、玫瑰薄荷茶等等餐飲，要轉整壺茶可以加$30。我地兩個人，入去時無咩人，員工好好咁畀我地坐最入面嘅四人檯，只係如果多人，要轉返檯。最後一直坐到夠都唔使轉檯，好舒服呀！😇最入面嘅位置充滿空間感，朋友話有家嘅感覺。