Bingle Bingle 空中列車烤肉

Open Now

Now Closed

烤肉就食得多，但有列車送餐係第一次。餐廳以空中列車送餐做gimmick，夠特別之餘，打卡亦一流。掃qr code落單，肉類選擇多，亦有蔬菜可以選擇，及其他配菜。套餐包括飯、湯或沙律、餐前小菜。唔夠食，仲可以散叫大/小份肉類，岩哂想食多幾款肉既食客。宮崎和牛套餐($188)，有3款和牛級數既肉，其中三角腩少見，肉質係最嫩滑，油脂豐富，入口慢慢溶化。而肉眼蓋就相對結實dd，但都重油脂。另外散叫特級雞爽肉，比平時食既雞肉，分別在於此部位嫩滑好多，而家有爽口感覺。牛小排係最多油脂，一邊烤，d油脂一邊逼哂出黎，肉片變到好焦脆。肉汁多，juicy。汁燒牛舌大塊，調味唔會過濃，肉屬結實。除左可以食日本和牛，仲可以揀韓國出產既牛肉添。韓牛前腿肉，有3大塊，肉味濃郁，肉質唔韌。除左有肉類，更有蔬菜、小食甜品，用列車送餐方便，有睇頭。當日有一家大小黎餐廳食飯，列車吸引唔少小朋友既注意。整體，體驗機械送餐服務，唔錯。不過部分位置冇路軌經過，所以由侍應送餐。肉質唔錯，可以食到唔同部位既肉及肉種類，份量更可調整。食飽仲可以行下商場添。