八户屋和食料理

Open Now

Now Closed

今晚我們去咗大埔富善邨商場嘅「八戶屋和食料理」食晚飯！我們叫咗吞拿魚、油甘魚，三文魚刺身、香辣火炙三文魚反卷、香脆軟殼蟹紙米卷、明太子鮮貝煙肉串、日式奄列炒飯、鐵板蒜片牛柳粒、鰻魚炒飯、照燒鰻魚飯、黑松露石鍋牛肉葛絲湯、鹽燒鯖魚同紫薯甘栗餅！吞拿魚、油甘魚，三文魚刺身極之新鮮，肉質非常軟滑肥美，而且相當厚切！香辣火炙三文魚反卷嘅三文魚表面輕輕燒過，味道好芳香，加埋啲香辣醬一齊食，都幾惹味！香脆軟殼蟹紙米卷嘅軟殼蟹炸得好香脆，加埋啲生菜、青瓜絲同芒果條一齊食，令到味道相當清新，唔會有油膩嘅感覺！明太子鮮貝煙肉串係用煙肉包住帆立貝再加啲明太子舖面，令到賣相好吸引，帆立貝非常爽甜彈牙，煙肉相當香口，加埋微辣嘅明太子一齊食，真係超惹味！鐵板蒜片牛柳粒嘅蒜片香味，滲入晒牛肉入面，令到味道相當惹味香口，肉質非常嫩滑！黑松露石鍋牛肉葛絲湯嘅葛絲麵質相當爽滑彈牙，牛肉嘅份量都幾多，黑松露嘅味道都幾香！