人和月雞煲火鍋店 (Closed)

晚市嘅火鍋放題選擇好多，由頭盤、火鍋湯底、和牛、海鮮揀，我哋見到已經有好多嘢食，就揀咗最基本既set A精選牛肉試下。飲品、小食、甜品、醬料都係自取當日有招牌叉燒腩、台式蛋餃、泰式鳳爪同涼拌木耳我每樣都拎咗少少試下，味道都唔錯部份火鍋配料都係自助形式，擺放得整齊衛生，食幾多拎幾多，就唔會浪費食物啦原創酥皮麻辣芝士雞煲酥皮雞煲真係第一次聽，一場嚟到梗係要試吓呢度嘅招牌菜，酥皮焗到金黃色脹卜卜，店員會幫我哋切開酥皮，然後將入邊嘅芝士同醬汁撈勻。味道好似平時嘅麻辣雞煲加咗芝士咁，醬汁香濃惹味，點埋酥皮食，估唔到又幾新奇喎。椰青香茅青檸湯呢度食完雞煲唔係加湯打邊爐，會換上一個全新嘅火鍋湯底，啱啱就食左比較濃味嘅雞煲，所以湯底就揀咗一個比較清新嘅椰青香茅青檸湯，味道有少少酸都幾開胃。套餐包左一個牛肉拼盤，可以一次過食晒牛肉唔同嘅部位，我就最鍾意食牛板腱，牛味重，亦都冇太多嘅肥膏。部份嘅火鍋配料係用手機落單，我哋叫咗墨魚滑、蟹子蝦滑同韭菜餃，質素都唔錯。最後仲自製左一碗芋圓豆花，亦都有唔少配料供應，為呢個晚餐畫上完美句號。