Video
Read full review
2018-05-29
49 views
前菜有【高野豆腐】，點綴嘅蘿蔔花花由師傅人手切割高野豆腐即是似打邊爐嗰種蜂巢豆腐嘅冰豆腐佢比起普通豆腐會實淨少少，有好多綿密嘅窿窿，質感好豐富一咬開有好多汁，冰冰涼涼咁～左下係起源於北海道嘅【松前漬】將魷魚、昆布同筍切成絲拌埋一齊爽口之餘又滑嘟嘟右下就係加咗蛋黃醬嘅【番茄】，味道都不錯不過番茄本來就好鮮甜，我就比較鍾意就咁食或者加少少醋刺身同樣有三款～左下係【水八爪魚】，隔離一粒粒係吸管刺身有少少調味，唔駛再蘸汁水八爪非常爽甜，尤其是個吸管，完全唔會韌！👍🏻卷咗花嘅【真鯛】刺身好有光澤感，好新鮮魚味係甜美啲同埋肉質好滑【牡丹蝦】刺身包住咗蝦膏喺入面，所以串起咗隻蝦一啖食哂爽彈蝦肉同濃郁蝦膏，滿足感係 💯！連個蝦頭都炸埋嚟食簡直食盡哂成隻牡丹蝦 😌第一排壽司由左至右分別係【海鰻】、【竹籤魚】同【深魚池魚】海鰻魚肉好細緻，有種融化喺口腔嘅感覺 ☺️而竹籤魚個名好陌生，原來佢另一個名就係竹筴魚《深夜食堂》有一集就係烤竹筴魚，嗰集嘅故事都好動人 😭店員話竹籤魚燒一燒會更加突出佢嘅油脂所以呢件壽司係火炙過嘅【左口魚邊】壽司油分比左口魚更豐腴火炙完又香口又滑溜！【帶子】同【深海池魚】壽司都係穩打穩札
前菜有【高野豆腐】，點綴嘅蘿蔔花花由師傅人手切割
高野豆腐即是似打邊爐嗰種蜂巢豆腐嘅冰豆腐
佢比起普通豆腐會實淨少少，有好多綿密嘅窿窿，質感好豐富
一咬開有好多汁，冰冰涼涼咁～
左下係起源於北海道嘅【松前漬】
將魷魚、昆布同筍切成絲拌埋一齊
爽口之餘又滑嘟嘟
右下就係加咗蛋黃醬嘅【番茄】，味道都不錯
不過番茄本來就好鮮甜，我就比較鍾意就咁食或者加少少醋
刺身同樣有三款～
左下係【水八爪魚】，隔離一粒粒係吸管
刺身有少少調味，唔駛再蘸汁
水八爪非常爽甜，尤其是個吸管，完全唔會韌！👍🏻
卷咗花嘅【真鯛】刺身好有光澤感，好新鮮
魚味係甜美啲同埋肉質好滑
【牡丹蝦】刺身包住咗蝦膏喺入面，所以串起咗隻蝦
一啖食哂爽彈蝦肉同濃郁蝦膏，滿足感係 💯！
連個蝦頭都炸埋嚟食
簡直食盡哂成隻牡丹蝦 😌
第一排壽司由左至右分別係【海鰻】、【竹籤魚】同【深魚池魚】
海鰻魚肉好細緻，有種融化喺口腔嘅感覺 ☺️
而竹籤魚個名好陌生，原來佢另一個名就係竹筴魚
《深夜食堂》有一集就係烤竹筴魚，嗰集嘅故事都好動人 😭
店員話竹籤魚燒一燒會更加突出佢嘅油脂
所以呢件壽司係火炙過嘅
【左口魚邊】壽司油分比左口魚更豐腴
火炙完又香口又滑溜！
【帶子】同【深海池魚】壽司都係穩打穩札嘅好味
每次見到肥厚嘅帶子，未擺入口都覺得感動 😂
【赤雞頸肉】相當珍貴，因為每隻雞得一條頸㗎咋 🤣🤣🤣
店員話呢度三隻雞嚟㗎喇～
佢建議我哋原味咁食下赤雞嘅風味先
之後再點邊邊嘅柚子胡椒
我覺得赤雞比普通雞有咬口啲，好好食！
生長喺沖繩島嘅【生蠔】，好肥美～
綠色嗰啲係海苔啫喱，黃色就係酸汁啫喱
將啲醬汁整成啫喱狀都幾特別
第二盤壽司有少見啲嘅【伊佐木】、【左口魚加昆布】、【拖羅】、【海膽加昆布】同【赤貝邊卷物】
印象最深刻係拖羅壽司，充滿魚香同入口即溶
赤貝邊卷物亦都有驚喜，係口感如爽脆嘅卷物
【木魚清湯】就係用平時飄下飄下嘅鰹魚片整湯
味道淡咗少少
第一次食嘅【木瓜蜜瓜】，係混合品種 😄店員話呢種水果外表真係似木瓜㗎
味道同香味都偏向似蜜瓜，甜度低啲，不過就爽口啲
幾有趣～
Post
