肉餅哥小炒料理 (Closed)

大圍肉餅哥，我間中都會到訪。幾年前，因為宗教信仰，開始初一，十五食齋，雖然今日唔係初一或者十五，但係坐低左係肉餅哥發現有一個叫做植物肉餅嘅新款式，標榜不含任何豬肉成份，但係口感同真嘅豬肉好相似，於是我就試咗一個麻辣香菇煎素肉餅，一放入口，的確係有點驚喜，可能因為有少少辣味覆蓋左，味道的確與真豬肉十分相似，細味下你會發現有少少黃豆的味道，感覺幾得意。食完之後我再望一望餐牌，原來這款植物肉餅標榜低脂肪，低卡路里及低膽固醇，決定買一個外賣返去比我阿爸食，話俾佢聽呢個係真肉餅，唔知佢信唔信呢？