Video
Read full review
2024-02-18
1474 views
初七開年同事帶食好嘢，尖沙咀食街中其中一間樓上小餐廳先黎頭盤係湯: 杏汁花膠豬肺湯杏汁、花膠和豬肺為主要材料，加埋大白菜，初頭睇見到大大塊米色以為係白菜，原來係大大塊魚肚/（花膠？唔識分）總之大大盤好足料，湯渣都嚇一跳，啲端士山區肺同魚肚大塊到嚇親，啲湯啖啖都飲到杏仁碎，豐富營養價值。不過我本人唔中意滑潺潺嘅嘢..所以靜係飲左三碗湯😂味道：👅👅👅👅🫥一開始就黎料唔記影相。第二道黎嘅係蒜蓉蒸開邊蝦腸粉底以蒜蓉蒸蝦蒸腸粉作為底部。就好似蟹粥咁，啲腸粉吸晒啲蝦蒜嘅味，不二之選。呢道餸要提早訂，我估係要訂定啲腸粉，精華👍味道：👅👅👅👅👅第三樣虾多士拼咕嚕肉重點就係啲虾多，一啖一塊嘅size，多士中間釀一啖蝦滑，一啖脆卜卜多士一啖蝦滑，靜係掛住食多士冇食咕嚕肉味道：👅👅👅👅👅（俾蝦多士）再黎係酸菜魚班腩，酸辣口味一流，湯汁好辣，有啲似潭仔五小辣，班腩魚啖啖肉..非常厚肉地，起晒骨完全唔怕，酸菜好好味，唔覺係酸菜似甜菜，中和返啲辣，酸菜有驚喜。敗筆係自己冇叫白飯味道：👅👅👅👅🫥第五係東江豆腐煲豆腐配返酸菜魚啲湯味道升華左😂已經好飽同埋冇食鯪魚球，靜係食豆腐，豆腐夠晒滑，夾落去又唔會爛晒味道：👅👅👅
先黎頭盤係湯: 杏汁花膠豬肺湯
杏汁、花膠和豬肺為主要材料，加埋大白菜，初頭睇見到大大塊米色以為係白菜，原來係大大塊魚肚/（花膠？唔識分）總之大大盤好足料，湯渣都嚇一跳，啲端士山區肺同魚肚大塊到嚇親，啲湯啖啖都飲到杏仁碎，豐富營養價值。
不過我本人唔中意滑潺潺嘅嘢..所以靜係飲左三碗湯😂
味道：👅👅👅👅🫥
一開始就黎料唔記影相。
第二道黎嘅係蒜蓉蒸開邊蝦腸粉底
以蒜蓉蒸蝦蒸腸粉作為底部。就好似蟹粥咁，啲腸粉吸晒啲蝦蒜嘅味，不二之選。呢道餸要提早訂，我估係要訂定啲腸粉，精華👍
味道：👅👅👅👅👅
第三樣虾多士拼咕嚕肉
重點就係啲虾多，一啖一塊嘅size，多士中間釀一啖蝦滑，一啖脆卜卜多士一啖蝦滑，靜係掛住食多士冇食咕嚕肉
味道：👅👅👅👅👅（俾蝦多士）
再黎係酸菜魚班腩，酸辣口味一流，湯汁好辣，有啲似潭仔五小辣，班腩魚啖啖肉..非常厚肉地，起晒骨完全唔怕，酸菜好好味，唔覺係酸菜似甜菜，中和返啲辣，酸菜有驚喜。敗筆係自己冇叫白飯
味道：👅👅👅👅🫥
第五係東江豆腐煲
豆腐配返酸菜魚啲湯味道升華左😂已經好飽同埋冇食鯪魚球，靜係食豆腐，豆腐夠晒滑，夾落去又唔會爛晒
味道：👅👅👅🫥🫥
第六樣係咸蛋黃鮮魷
咸蛋黃嘅香味包住鮮魷嘅口感但唔韌好好咬，衰在又係冇叫白飯，少少咸。
味道：👅👅👅👅🫥
啫啫芥蘭煲，金銀蛋浸時蔬 上枱嗰時因為已經飽左同埋到左吹水時間，變左只有相機食，自己食唔落
豉油王炒麵 可能係麵種嘅關係..炒上碟見佢係黃唔係閃令令或者係少油炒掛
瑤柱蛋白炒飯 粒粒米均衡就基本嘢同樣唔係油淋淋
最後煎堆仔做甜品 外脆內軟得黎唔甜，所以食飽左我都食到兩粒🖖🏻
環境細啲，眼見三間間房大廳再黎六七張枱左右，聽講開瓶費唔理你帶幾多酒，係咁e收五十蚊，帶其他飲品佢都係當睇唔到，當日可能人多又或者佢想俾時間你傾計，上餸稍為慢
抵食指數一百分..因為老細請唔洗自己俾都唔知幾多錢🤣
Post
