鮨玥 (Closed)

呢間開喺西灣河嘅居酒屋雖然幾僻，但附近環境其實幾好，隔條馬路就係碼頭，可以吹下海風，隔離又有不少酒吧，其實環境幾chill先叫兩杯生啤嘆下，泡沫感唔錯，有麥味，口感輕盈不嗆口飲酒總要配小食，鱈魚乾唔少得啦，暖身脆口，沾醬一流除咗鱈魚乾，叫多份炸池魚苗，真係炸得好夠，每一條都係脆卜卜熱辣辣，咬落佢完全feel唔到任何骨感，食到停唔到口呢度嘅炸廣島蠔真係幾出色，炸粉恰到好處，唔會過厚，重點係入面嘅蠔肉真係好重蠔味，真係我比較少可以食到吉列廣島蠔咁有蠔味，印象深刻海膽壽司好creamy，海膽好鮮冇異味，大大塊海膽口感好豐盈呢份池魚王刺身超級靚仔，擺盤超級靚，成個顏色配搭睇落真係令人食慾大增。而另外重點就係佢有返咁上下厚度，所以食落係好彈牙，而且魚味更濃郁，無論沾醬油定係酸汁，都係非常的合適感覺呢度嘅吞拿魚壽司都係必點，我見其他人食評入面嘅相都係影到佢超級誘人，由赤身食到大拖，feel到油脂層層遞進最後嘅鹽燒油甘魚鮫都正，油脂感十足又好多肉，嫌油膩嘅沾酸汁都啱啱好總結：價錢中上，但食物質素對得住價錢，上菜又快，食物賣相好靚，嗰日啱啱打完卡，即刻有朋友問我邊間嘅野食咁誘人😂