Madison's Restaurant & Bar (Closed)

還記得多年前來過兩次，對她印象不錯，於是在初四開工日約朋友來食個開年飯。記得以前很旺場，不知是經濟低迷或新春假期影響，只有四、五枱客人，人丁單薄。餐包是香草包及長條麵包，初是還以為是grissini，入口只是一條沒味又乾乾的白麵包修，香草包亦如是。是日有兩款set lunch，由$208至$228有三道菜及餐茶，價錢吸引，可借甜品就唔吸引又唔可以轉其他款式，同朋友考慮一輪後，索性a la carte。試了朋友的蕃茄忌廉湯，質地很稀釋，沒有新鮮蕃茄的鮮味，明顯不是全用新鮮蕃茄、上湯及忌廉來製作，似是用少許蕃茄，再溝添罐頭湯。大蝦火箭菜茄汁扁意粉-蝦有6、7隻之多，味道很鯹；扁意粉唔夠al dente，有咬口是來自火箭菜及松子仁。野菌青豆意大利飯-擬似一個湯飯，過份之濕潤，米粒太過吸收水份，變得粒粒發脹，雖然有超多的青豆，也不夠補償飯身的al dente口感。千層朱古力橙餅配朱古力雪糕-黃啡相間的香橙朱古力蛋糕，既有濃濃的朱古力同時，也滲出淡淡橙香；隨附濃而不甜的朱古力雪糕內含脆脆的chip真是令人回味。除了甜品外，其餘今非惜比。而侍應好像仍是Holiday mood的狀態下工作。