樂天經典 (奧海城二期)

Open Now

Now Closed

之前喺青衣食過同一集團嘅樂天皇朝，上次個小籠包認真吸引。今日喺奧海城見到呢間樂天經典，主打南洋中菜，真係要試下佢啦。晚飯時間只需等5分鐘左右，算好快了。店員向我地介紹佢地招牌菜色，新加坡風味--蟹之惑。有4種選擇辣椒螃蟹、黃金焗螃蟹、星洲黑胡椒螃蟹同埋花雕雞油蒸螃蟹，四款各有風味，我嘅選擇困難症又發作啦。另外，餐牌仲有其他充滿南洋風味嘅小菜可供選擇。我就揀左呢個淮山杞子螺頭湯，咪睇佢煲仔細細，都分到5碗出黎架，天氣凍飲碗熱湯，即時覺得暖入心呀。睇睇啲湯料就知係足料靚湯啦，淮山、杞子、螺頭、雞腳全部都啱食又夠滋潤。蝦肉鮮甜，外皮酥香而且爽脆可口，相當吸引。有老婆最愛嘅西蘭花，仲有大大隻冬菇，配上香濃芡汁。揀左一款新穎少少嘅菜式--咖啡脆雞，咖啡味相當重，我比較少飲咖啡，食左一件算了，但愛飲咖啡嘅老婆就讚特式又美味。螃蟹身型龐大，鋪滿金黃嘅咸蛋，隔離幾檯都比咸蛋嘅香氣吸引，忍唔住望向我地。味道方面，雖然咸蛋味夠重，但仍然食到蟹肉嘅鮮甜，不得不讚。招牌海鮮皇炒飯，而炒飯最緊要飯粒夠乾身，再自行加上剛才黃金蟹嘅蛋黃碎，味覺一流。最後送上古早魚香老鼠粉煲，唔好比個名嚇親，其實叫老鼠粉係跟佢個粉嘅