琥酌 (Closed)

早排吉列牛傳到香港，一直心思思想試，喺朋友介紹下黎到太子呢間出名燒牛既琥酌。因為怕同人逼，所以揀開門時間正午12點去食晏，但都坐滿半席。黎到當然要試最多人推介既頂級安格斯牛吉列御膳果然係專食吉列牛既餐廳，隨餐仲配有岩鹽、芥末同燒牛汁三種醬汁俾客人自由選擇口味。燒牛汁香口惹味，芥末帶微甜同炸物極相配，而岩鹽則能提升牛既鮮味。＂御膳＂非常豐富，有溫泉蛋、味噌湯、各式配菜，好有置身日本既感覺吉列牛裹上薄薄炸粉炸至金黃，肉質鮮嫩，所選部位無多餘脂肪，即使經油炸後石燒亦唔會肥膩，店員建議可因應個人接受程度每面煎5-20秒。個人偏好生牛肉所以各煎5秒，入口軟熟帶嚼勁，配搭埋香脆既外皮口感非常豐富。溫泉蛋好大隻，生熟程度恰到好處，好好送飯。另外仲有$108套餐選擇，可以揀兩款迷你丼飯，試下唔同口味隨餐仲包味噌湯同沙律。朋友揀左柳川鰻魚丼同香蔥吞拿魚腩蓉丼。沙律好新鮮，份量多。味噌味道濃郁，真係有日本既味道鰻魚有三片，肥美肉厚，入口油香充足，滑蛋約八分熟，嫩身，但醬汁略嫌鹹左少少。吞拿魚腩蓉舖滿整碗飯，鮮味唔腥，口感綿綿，建議面頭既wasabii可以塗勻魚蓉再食，味道更佳。如果嫌唔夠濕仲可以撈生雞蛋液