蜀大俠 (Closed)

今日行過銅鑼灣搵野食嘅時候見到有間四川火鍋店新開張，就入左去食喇。由於太多人等𨋢，我地決定行樓梯。如果搭𨋢的，一出𨋢就會見到蜀大俠的招牌。一坐底就已經要讚了，好貼心咁提供左圍巾比客人，以防整污糟件衫。個餐牌都好特別，做到一本武林秘笈咁，好有中國嘅特色。仲有提議大家煮幾耐先食。落完單之後就睇下有啲咩調味料，調味料都十分齊全。有蒜蓉粒、芫荽、蔥粒、豉油、醋同蠔油。另外，每人都會有一小罐香油，個香油好抵讚，比一般的麻油更香，好好味。由於朋友加上自己都唔敢食太辣，所以就叫左個紅白鴛鴦鍋，揀左微辣。首選推介！呢個花千骨真係超級好食，用特式辣醬醃豬肋骨，食落好腍好正。然後叫左兩碟牛，首先係手切美國雪花肥牛。我覺得呢碟好食啲，因為肉質比較肥美，會有入口即溶嘅感覺。同時亦有好香嘅牛肉味，放紅鍋就會好重麻辣味，放白鍋就會係清甜牛肉味。各有所長，每邊都要試下。另一碟就係極品肥牛卷，呢碟相比之下就無咗入口即溶嘅感覺，不過佢嘅牛肉味好香。我哋四個人各人對兩碟都各有追捧，不過兩碟都係十分之好味嘅，比平時火鍋嘅肥牛高質好多。呢個太極雙滑好特別，係蝦滑，一邊係辣味一邊冇辣味。呢個太極雙滑好鮮甜，無論放喺紅鍋定白喎，