小茶堂 (Closed)

見到好多朋友都去飲小茶堂，所以咁岩黎到旺角，當然要睇下佢有咩魅力先~點左朋友極力推薦既小山園抺茶鮮奶加珍珠$30，海報顯示綠白兩層顏色分明，外型幾靚。小山園抺茶鮮奶加珍珠:由於加左黑糖珍珠的關係，所以變成有三層顏色，綠色白色，仲有黑色珍珠係底，掛杯效果都幾靚。飲落抺茶味好香濃，有抺茶出眾微澀，外加有陣陣回甘味，比得上專賣抹茶的抹茶館。店員用上明治鮮奶的關係，鮮奶既比例岩岩好，所以飲落十分之香滑。加上珍珠煙韌，要求少糖少冰，所以都唔會好甜，味道岩岩好。