Video
Read full review
2013-07-22
171 views
上星期六同朋友去食位於金鐘商業區既日本懷石料理Hatsu，因為位於商業區，所以晚餐時段人比較少，我同朋友一致認同，絕對係享受寧靜既好去處!!成個dinner time有如置身日本一樣，完全唔似人來人往既香港。講番食物啦，我同朋友每人叫左一個set，佢係牛肉薄燒，我係蒲燒鰻魚，其實我地都好想試佢地最出名既岩鹽燒，不過我朋友唔食魚，我又唔食牛，所以一個岩鹽燒對一個食量唔大既女仔黎講就太大份。先講我地既前菜，係一碟幾香口既咸魚仔，少少辣。另外一個小碗入面有蝦，酸酸地，幾開胃。鴨胸、甜蛋同海帶，各種食材都俾你醒下個胃既，當中以甜蛋做得曼出色，質感有別於一般日本餐廳，唔知呢D係咪就係懷石料理同一般日本餐廳既分別?前菜之後就係我好期待既魚生，雖然MENU話係三件，但係我地數數，大家都有五件!!而且望落每一塊魚生都幾厚切。我朋友唔食魚所以魚生全部落曬我肚，真係大滿足三文魚入口即溶，食得出係新鮮、肥美度尚可，但都好香魚油味。食完三文魚其實我已經好滿足，之後黎左煮物，入面分別有魚，茄子，薯仔同蘿蔔，成個set真係好豐富，其實如果三個女仔食兩個餐都可以，因為我地個主菜都比想像中大份我既鰻魚好大份，而且好肥
講番食物啦，我同朋友每人叫左一個set，佢係牛肉薄燒，我係蒲燒鰻魚，其實我地都好想試佢地最出名既岩鹽燒，不過我朋友唔食魚，我又唔食牛，所以一個岩鹽燒對一個食量唔大既女仔黎講就太大份。
先講我地既前菜，係一碟幾香口既咸魚仔，少少辣。另外一個小碗入面有蝦，酸酸地，幾開胃。鴨胸、甜蛋同海帶，各種食材都俾你醒下個胃既，當中以甜蛋做得曼出色，質感有別於一般日本餐廳，唔知呢D係咪就係懷石料理同一般日本餐廳既分別?前菜之後就係我好期待既魚生，雖然MENU話係三件，但係我地數數，大家都有五件!!而且望落每一塊魚生都幾厚切。我朋友唔食魚所以魚生全部落曬我肚，真係大滿足三文魚入口即溶，食得出係新鮮、肥美度尚可，但都好香魚油味。
食完三文魚其實我已經好滿足，之後黎左煮物，入面分別有魚，茄子，薯仔同蘿蔔，成個set真係好豐富，其實如果三個女仔食兩個餐都可以，因為我地個主菜都比想像中大份我既鰻魚好大份，而且好肥美!!食到一半我已經想打包!!因為知自己一定食唔曬，所以飯上之前我地都要求左少飯。而佢地係用日本秋田米，的確比一般珍珠米彈牙及煙韌，可惜我同朋友都太飽，就算半碗都食唔曬，有d浪費朋友既薄燒牛肉都好大份，有d似炒牛肉，不過朋友話口感鬆軟有牛肉味都唔錯。
最令我地驚喜既係甜品!!一早聽聞佢地個柚子雪葩好味，一試果然柚子味香濃，而且食到果肉，應該唔係買返黎的，正好於食完一餐咁豐富既晚餐後食返個雪葩去一去油膩感。連本來食唔落既兩件袖珍cheese cake都搞掂埋( 個雪葩一黎到我地就掛住食，唔記得影相)整體黎講，環境、食物加埋服務，呢個價錢一個set dinner都唔算太貴，可以享受難得既寧靜，都算滿足既一餐。
Post
