Saravanaa Bhavan (Moved) New Location

成日聽人講尖沙咀有好多正宗嘅印度餐廳，我特別想試下印度咖哩，今次終於約到朋友陪我嚟試下！一嚟到睇menu,野食嘅選擇多到唔知點揀好，原來印度咖哩同薄餅都有咁多唔同種類。餐廳老闆同店員都係印度人，佢地好熱情同親切，見到我地好迷惘唔知食咩好就埋嚟推介我地食咩。佢地推薦我地飲mango lassi，係芒果奶昔，都幾好味。另外叫多咗杯masala chass，都幾得意，鐘意飲酸yogurt嘅朋友可以叫杯嚟試下。薄餅嚟講主要有dosa, parotta同naan。我地每種薄餅都叫咗一份嚟試，每個set都有一份薄餅同咖哩。Dosa大大份，係最脆同薄，要熱辣辣即刻食先正。Parotta同泰式薄餅/蔥油餅有d似，係我最鐘意食嘅一款，有牛油香味、煙韌嘅程度啱啱好。Naan係偏乾身、最煙韌嘅一款，好有咬口。今次體驗真係好新鮮，未試過印度野嘅可以嚟試下。