梨滿園韓國料理 (Closed)

之前都係去d勁平扮韓店度食，d野食同普通店差無幾，但今次朋友帶路，終於有d唔知咩黎既野啦!(姐係韓國野)朋友話唔食過呢個，就唔算食過韓食。生蟹！一開始心諗：點頂呀。但黎到又唔試新野，又好白撞，所以頂硬上。朋友讓個蟹蓋俾我，侍應教路要加d飯同紫菜，d飯吸晒d味，超好食！而生肉我就食唔慣，比晒朋友食，可惜我唔識欣賞。肉呀肉，我最愛食肉，有分未醃同醃左，推介食醃左既，調味調得好好，口味唔太重。佢有提供醬（鹽？），原味可自己調，我就懶得自己搞一向係煎餅類愛好者，印度薄餅蔥油餅都係我至愛。餐牌見到有餅當然要試下，煎得香，少少焦岩岩好，而且好足料，推介！帶子絕對係海鮮中既霸王！因為無骨無殼，人懶係一定要叫！又大粒，煎完都仲好多汁，正正！大大大海鮮煲，海鮮係其次，最正係個面底，唔識形容，唔係平時食果D，未食過呢種面，配新鮮海鮮湯底，絕配，可惜已飽飽地，咁大個好晒。