泰巷 (將軍澳廣場) (Closed)

星期六食飯時間經過將軍澳就睇吓有咩食，見到呢間泰巷有set lunch就入咗去食。我哋叫咗兩個set，清湯手撕雞湯河送燒沙嗲雞肉串($58)，湯河略嫌較淡，但手撕雞同埋河粉嘅份量都非常充足。值得一讚嘅係雞肉串中嘅雞肉非常嫩滑，沙嗲醬亦非常惹味。另外我哋叫咗一個布吉香辣班球飯($62)，我哋揀咗黃咖喱，黃咖喱醬加上了少許椰汁，與白飯係最佳嘅配搭。整個餐嘅份量都非常豐富，餐配有前菜，可以選擇餐湯或者沙律，加$3亦配有凍餐飲，確實係豐富嘅午餐。