滾得棧 (Closed)

第一次試滾得棧之前已經聽過深井有分店 估唔到油麻地都有開設分店 分店地點好方便 地鐵站一出望去對面就係啦 職員都好親切 服務十分周到 火鍋湯底有好多種選擇 我地就簡左潮州湯底拼番茄莞茜豆腐湯底🍅 湯底清清地 番茄個邊酸酸甜甜 好開胃 襯埋火鍋配料真係好夾叫左竹蔗水 好少見咁大壺 竹蔗水味道清甜 足夠三個人飲 清熱下火 絕對係火鍋既必叫之選📌招牌手切牛頸脊牛頸脊雪花分佈平均 色澤呈鮮紅 賣相已經好吸引 入口十分嫩滑 味道香濃 必食📌自製象拔蚌丸同梅菜豬肉餃象拔蚌丸是自家新鮮製造 裡面包著象拔蚌顆粒 爽口彈牙 十分鮮甜📌梅菜豬肉餃子🥟好特別 係手工製作 粒粒都好飽滿 用料都好新鮮 味道豐富 📌美國桶蠔超級推介✨☺ 好大隻 就算煮完都無縮到水 肉質肥美飽滿 好有蠔味 花枝片 好厚肉 食落好爽口 滾得棧提供多種款唔同既配料 丸類 魚柳 雞肉 麵食 蔬菜等都一應俱全 連熟食 好似脆皮咕嚕肉同生炒糯米飯🍚都有 大部分配料都可以簡半份 就算兩個人聚會打邊爐都唔洗怕試得唔多野🥳