Video
Read full review
2019-08-29
327 views
呢日放假突然想好old school咁飲下茶， 食個包但係朋友荷包仔咁既胃，肯定叫幾款就話飽Loop緊OP之際， 比我見到呢間酒樓有點心放題見未試過， 就一於去試下啦！地點好就腳，非常易搵，上環站E5出口上二樓就見到門口都幾光鮮，感覺都係衛生企理既放題$148/位起，唔算超級抵，但勝在可以比客人試多D款，岩晒細食但又多心既你！依家仲送一人一粒鮑魚酥同一客灌湯餃，不妨一試呀！原隻鮑魚酥雖然話係送，不過真係無呃你，原隻鮑魚咁上鮑魚味道唔錯，都唔會話「鞋口」或者好難咬入面個餡食落似芋蓉，再加入冬菇同火腿碎，令到口感幾豐富撻皮就過於鬆散，一拎上手就化開，食到我地有D狼狽花膠灌湯餃一人一盅係幾爽既！舊花膠個分量適中，雖然未有「張口」感覺，但係都好稔身，夠軟綿綿灌湯餃好大隻！入面個肉餡調味都唔錯，同湯一齊食幾夾，一鮮一淡咁不過個餃皮唔係特別薄，食到個摺位有少少難咬鮑汁鳳爪叫左兩隻試下，鮑汁味好濃，但係唔夠傑鳳爪都幾大隻，不過食時要小心中間條骨，切得太rough會𠝹口呢款都幾惹味，不過就欠缺左平時食開果款醬皇既辣味，唔好辣又想食鳳爪既可以一試！XO醬煎腸粉係今次放題入次最滿意既XO醬落得足，令到
但係朋友荷包仔咁既胃，肯定叫幾款就話飽
Loop緊OP之際， 比我見到呢間酒樓有點心放題
見未試過， 就一於去試下啦！

地點好就腳，非常易搵，上環站E5出口上二樓就見到
門口都幾光鮮，感覺都係衛生企理既
放題$148/位起，唔算超級抵，但勝在可以比客人試多D款，岩晒細食但又多心既你！依家仲送一人一粒鮑魚酥同一客灌湯餃，不妨一試呀！

原隻鮑魚酥雖然話係送，不過真係無呃你，原隻鮑魚咁上
鮑魚味道唔錯，都唔會話「鞋口」或者好難咬
入面個餡食落似芋蓉，再加入冬菇同火腿碎，令到口感幾豐富
撻皮就過於鬆散，一拎上手就化開，食到我地有D狼狽
花膠灌湯餃一人一盅係幾爽既！
舊花膠個分量適中，雖然未有「張口」感覺，但係都好稔身，夠軟綿綿
灌湯餃好大隻！入面個肉餡調味都唔錯，同湯一齊食幾夾，一鮮一淡咁
不過個餃皮唔係特別薄，食到個摺位有少少難咬
鮑汁鳳爪叫左兩隻試下，鮑汁味好濃，但係唔夠傑
鳳爪都幾大隻，不過食時要小心中間條骨，切得太rough會𠝹口
呢款都幾惹味，不過就欠缺左平時食開果款醬皇既辣味，唔好辣又想食鳳爪既可以一試！
XO醬煎腸粉係今次放題入次最滿意既
XO醬落得足，令到腸粉好夠味，夠辣但係唔過咸，好食！
一碟細細地，兩個人食都唔會好過份
左上：「上素粉果」味道正常，餡料都足夠，有冬菇、香芹、粟米、木耳等等
口感豐富，不過隻餃本身就唔夠大隻
右上：「鮮蝦水晶餃」
來既時候我係黑人問號，因為好似同個名好大出入
原來D蝦係比菠菜包圍住，所以睇佢唔到
食落兩者好夾，不過水晶皮好厚，未算皮薄餡靚
下：「晶瑩鮮蝦餃」
唔錯，雖然皮唔係好薄，但係粒蝦大大隻，而且都係鮮嫩爽口既
熱辣辣食果陣仲有D肉汁包住左入皮中，推介！
叫野食時要留意個分量呀，例如蒸點果類通常都係一粒一粒上
有D點心都係off menu架，放題紙未必有，想試就可能要分開再來過

地方唔算好大，但枱之間有一定距離，唔會好逼
飲中茶來講， 呢隻杯幾elegant整體來講，如果你得兩三個人飲茶，但又想食多幾款唔同既野果陣，呢個放題係個不俗既選擇，有野送又可以滿足到既你，不過記得唔好眼闊肚窄，食得晒先至好嗌呀！
Post
