十八座狗仔粉

Open Now

Now Closed

諗住去電腦展之前到深水埗睇下電腦格下價先，當晚諗唔到食乜，經過十八座狗仔粉， 每次都想入去食，今次終於有機會試下啦！ 店鋪細細間非常多人， 我叫了馳名狗仔粉$30， 招牌火鴨翅$30，翅滾飛天脾$28， 秘製千味細雜燴$28 （ 大腸，豬肚，豬皮，蘿蔔）。馳名狗仔粉～ 我覺得整碗狗仔粉的靈魂精粹是菜甫， 因為湯底沒有特別味道，狗仔粉的質地比較澱粉質重，口感淋淋地。招牌火鴨翅～雖然感覺都幾足料， 但味道比較淡。翅滾飛天脾～ 入口啖啖肉， 但味道跟火鴨翅差不多。秘製千味細雜燴（ 大腸，豬肚，豬皮，蘿蔔）～ 這個反而是最好吃， 起碼我食到秘製千味， 四款都炆得好腍入味。未食過可以一試， 始終每個人口味各有不同。