漁樂鍋 (Closed)

帶住小朋友食以人頭計的火鍋，真係好唔抵，小朋友食唔到幾多，但要比全份錢，就算有小童收費，小朋友點都食唔到咁多。OpenRice 見到漁樂鍋，有海龍皇粥底火鍋，心思思想試，打電話訂位時問吓，小童可以唔計，有得散叫合適食物比佢地，這個安排非常合我心意。我們三大兩小，叫了三份海龍皇火鍋。有7款海鮮5款自選食物。見到個海鮮拼盤，已經嘩嘩聲，好吸睛！然後係蝦同蟹，啲蝦仲識跳，要蓋住佢，以免跳出來。啲蝦好大隻啊！自選了花膠，肥牛，雞肉，雲吞，墨魚丸食完火鍋，職員會幫忙加入芋頭粟米等配料煮粥，很美味！補充返兩款前菜，仲有糖水，真係好飽好滿足！溫馨的安排：紙巾及濕紙巾