睿居酒屋 (Closed)

呢間居酒屋既設計真係好有心思，令人有突然去左日本既感覺頭盤先食凍日本蕃茄配柚子汁同鮟鱇魚肝日本蕃茄夠清甜可口，無咩調味就已經夠晒清新鮟鱇魚肝口感幼滑細軟，生蘿蔔蓉同蔥花中和左魚脂，刺身三款——中吞拿魚腩、油甘魚、赤貝，每一塊都相當厚身，食落鮮甜有口感，尤其係中吞拿魚腩，入口即溶，無根位，而且魚香滿溢海鯛薄切令一款好有驚喜既剌身，蔥花好配搭，清甜又惹味壽司有帶子、甜蝦同吞拿魚，三款都調左味，好似帶有用檸檬調味，較refreshing，同堆店員會建議帶子、甜蝦到吞拿魚呢個次序咁食，由淡到濃咁食起，好貼心牛肉火鍋真係無試過用紙張打邊爐，估唔到點燒張紙都無穿無爛，視覺效果一流，牛肉鮮嫩多汁，烏冬都夠煙韌，索左湯汁超好味