豚道樂 (大河道) (Closed)

唔知邊位博客曾經寫過，同女朋友或者心儀嘅對象食飯，切記去啲一下子食晒嘅地方。例如，日本代表食物之一嘅拉麵，一碗嚟到surp一聲就食晒，一啲情調都冇。今晚，我哋冇理會呢個勸告，分別嗌咗特上魚介豚骨拉面同埋特上日本芥末拉麵 😝魚介拉麵嘅湯底係睇得出嘅濃郁，配料擺放得仔細，面嘅硬度亦都拿捏得幾好。唔會有魚嘅腥味，叉燒亦都有豬肉香，分量十足。另一碗係要有啲冒險精神先夠膽嗌。Wasabi嘅味道相當突出，但亦有少許芝士粉蒜頭同埋豬骨湯嘅味道。整體嘅配搭出奇平衡，想轉下口味嘅朋友不妨一試。