Video
Read full review
2020-07-13
133 views
新鮮海鮮要點煮？？識食一定係蒸先保留返海鮮的原味道！！蒸蒸海鮮都興左一段時間，我一直覺得貴冇去餐廳食過，今次去呢間位置好偏遠價錢相對唔高的自助蒸蒸海鮮專門店，$198一位就可以叫到8款海鮮套餐，雖然海鮮唔係任食，但佢地有個蔬菜bar 可以任食，最後點都會好飽，甚至食唔完個粥底。服務：❤️❤️❤️❤️🤍一入坐底好多餐廳店員姐姐服侍，好驚我地叫$198套餐唔夠飽，同我地分析加多幾十蚊就可以多半隻龍蝦半隻肉蟹同埋紅棗杞子蟲草花蒸雞，講左有四五次，好似真係會唔夠飽，所以我地最後叫左$268龍蝦套餐，有十款海鮮咁多！！好欣賞店員姐姐收海鮮殼收得好勤快同埋見到我地兩個女仔唔係好識野都有提點我地。食物：❤️❤️❤️🤍🤍龍蝦套餐都算多野食，有老火湯，溫泉蛋，龍蝦半隻，肉蟹半隻，元貝，迷你象拔蚌，鮑魚，本地生蠔，蟲草花蒸雞，海蝦，沙白，花甲，蜆，時蔬，海皇粥底，雪糕糯米糍。因為蒸野需要時間，所以如果好肚餓可以飲湯同食溫泉蛋墊一墊肚，老火湯好入味有媽媽煲咁好飲，應該冇咩味精。特別要提龍蝦真係好新鮮，蒸佢嘅時候佢仲識郁，OMG，RIP。雖然細細隻，但爽口彈牙仲有少少膏都幾好食。象拔蚌鮑魚元貝沙白花甲都好好食，夠鮮味即鮮即
服務：❤️❤️❤️❤️🤍
一入坐底好多餐廳店員姐姐服侍，好驚我地叫$198套餐唔夠飽，同我地分析加多幾十蚊就可以多半隻龍蝦半隻肉蟹同埋紅棗杞子蟲草花蒸雞，講左有四五次，好似真係會唔夠飽，所以我地最後叫左$268龍蝦套餐，有十款海鮮咁多！！好欣賞店員姐姐收海鮮殼收得好勤快同埋見到我地兩個女仔唔係好識野都有提點我地。
食物：❤️❤️❤️🤍🤍
龍蝦套餐都算多野食，有老火湯，溫泉蛋，龍蝦半隻，肉蟹半隻，元貝，迷你象拔蚌，鮑魚，本地生蠔，蟲草花蒸雞，海蝦，沙白，花甲，蜆，時蔬，海皇粥底，雪糕糯米糍。因為蒸野需要時間，所以如果好肚餓可以飲湯同食溫泉蛋墊一墊肚，老火湯好入味有媽媽煲咁好飲，應該冇咩味精。特別要提龍蝦真係好新鮮，蒸佢嘅時候佢仲識郁，OMG，RIP。雖然細細隻，但爽口彈牙仲有少少膏都幾好食。象拔蚌鮑魚元貝沙白花甲都好好食，夠鮮味即鮮即食唔覺韌！！生蠔好大隻，但略腥，蜆肉有沙朋友叫我唔好食，同埋肉蟹好細隻，中意食蟹的朋友要叫佢果個任食肉蟹套餐，來個大滿足。我地驚唔夠飽，仲食左好多金菇😂😂😂。
最後個粥底我食第一碗超級好味，好鮮味，係海鮮粥，加左啲芋頭同蕃薯，好正。但第二碗發現係有生米😂😂😂我地真心無知，好似話原來蒸海鮮唔可以熄火，我地蒸完就熄左，浪費左個粥呢，但第一碗真係好好味，回味無窮。
環境：❤️❤️❤️🤍🤍
室外加建的座位，幾有情調，允許客人抽煙，四面都膠紙有圍封有座地冷氣，所以唔會覺得好熱，不過被蚊咬左我三四啖。
最大缺點係因為落馬洲宜家封關，勁少車去新田，最後我同朋友來回都係搭的士，元朗去新田搭左$71，新田去洪水橋搭左$100。有車的朋友呢間餐廳係一個好選擇！
性價比：❤️❤️❤️❤️🤍
其實呢個價錢食到咁多野其實都算幾抵食，不過真心遠左少少囉😂😂😂
整體：❤️❤️❤️🤍🤍
$307
2 views
0 likes
0 comments
Post
