諾亞半熟蛋糕專門店 (Closed)

今日係附近食飯! 又兒童節諗住買D 小蛋糕氹下小朋友開心!見到諾亜半熟蛋糕原來好多款產品選擇!想試好耐但一直都冇食到! 今次終於買到喇! 一心只想黎買半熟蛋糕點知又見到其他好多款式!最終揀左個是日推介既小熊提拉米蘇!佢寫住係用澳洲CREAMCHEESE, 鮮忌廉, 日本海藻糖, 德國鮮奶, 有機雞蛋, 新加坡CHOTOLATE,法國可可粉同咖啡粉做的! 見到都好吸引呀! 就好想睇下佢係咪咁特別! 哈哈!而且哩個提拉米蘇不含酒精！好啱小朋友食! 佢有淡淡既咖啡配上忌廉香！再加上朱古力香味！不會膩！小朋友好鐘意呀！外型可愛之餘又健康又好味！另外見到推出新品! 什莓奶凍奶凍面層有士多啤梨同藍莓！打開蓋佢既士多啤梨醬勁香呀！奶凍超滑呀！雪凍食一流! 個玻璃樽仲可以循環再用! 仲有買左支蜂蜜薏米水!薏米水本身我知道係好健康既! 好多薏米係入面呀！因為有蜂蜜帶好輕微既甜味！好健康又fresh!今次黎本身想買既野冇買到, 哈哈哈!下次會再試佢既半熟蛋糕!