Video
Read full review
2022-02-13
826 views
年初三赤口出街走走，我哋去咗發掘港島南區，簡簡單單行個南朗山🏞。出發前先食啲嘢，本身想幫襯熟食中心，但新正頭好多都無開，我哋最終上網搵到有間叫「Africa Coffee & Tea」嘅餐廳有開，就一於試吓。由於唔熟呢區，開初我仲以為餐廳係喺工廈入面🙈，誰不知原來座落於新建嘅商廈內。同時，到訪嘅客人數量亦遠比想像中多，餐廳人氣頗高的。餐廳佔地面積唔大，不過環境就幾舒適，望到避風塘海景絕對係加分位🌊。另一邊廂，呢度嘅裝修別具民族特色，舖內掛咗唔少喺非洲拍攝嘅相片，其中大牆身圖內嘅建築物係位於埃塞俄比亞嘅Rock-Hewn Churches of Lalibela。雖然自己未有機會去，但也長知識呢！餐廳主打非洲菜，老實講真係完全唔知係食啲乜🙈，但望落餐牌上嘅食物都算大路，感覺似中東菜／印度菜。有唔少店員係外籍人士，幸好老闆娘講廣東話，同聲同氣，佢嘅介紹令我哋更加了解菜式內容。South African Baked Chicken Thigh($120)，原本想食咖哩羊，但竟然賣哂😭，有啲失望，唯有轉戰另一款飯。非洲烤雞用上霹靂霹靂醬Spicy Peri Peri Sauce調味，辣度唔算好
年初三赤口出街走走，我哋去咗發掘港島南區，簡簡單單行個南朗山🏞。出發前先食啲嘢，本身想幫襯熟食中心，但新正頭好多都無開，我哋最終上網搵到有間叫「Africa Coffee & Tea」嘅餐廳有開，就一於試吓。
由於唔熟呢區，開初我仲以為餐廳係喺工廈入面🙈，誰不知原來座落於新建嘅商廈內。同時，到訪嘅客人數量亦遠比想像中多，餐廳人氣頗高的。
餐廳佔地面積唔大，不過環境就幾舒適，望到避風塘海景絕對係加分位🌊。另一邊廂，呢度嘅裝修別具民族特色，舖內掛咗唔少喺非洲拍攝嘅相片，其中大牆身圖內嘅建築物係位於埃塞俄比亞嘅Rock-Hewn Churches of Lalibela。雖然自己未有機會去，但也長知識呢！
餐廳主打非洲菜，老實講真係完全唔知係食啲乜🙈，但望落餐牌上嘅食物都算大路，感覺似中東菜／印度菜。有唔少店員係外籍人士，幸好老闆娘講廣東話，同聲同氣，佢嘅介紹令我哋更加了解菜式內容。
South African Baked Chicken Thigh
$120
68 views
0 likes
0 comments
呢道菜嘅主食係印度香米Basmati Rice🍚，印度米粒偏長身，而且乾爽分明。香米用上黃薑煮製，所以散發住好重香料味，就咁食無餸配都好味道。雖則如此，但整體都係略嫌唔夠汁撈飯食，唔知可唔可以要求多汁呢。飯以外仲有啲蔬菜🥕，包括薯仔、紅蘿蔔同豆角，感覺健康。
Smoked Salmon Rolex & House Salad
$118
57 views
0 likes
0 comments
卷物食落幾清新🌯，無印式咁重口味。另一樣抵讚嘅地方係食物即叫即整，新鮮熱辣送上，所以質感好軟熟。伴旁有沙律菜🥗，但份量好少，不過酸酸哋都幾開胃，而且更有藜麥粒添。
Tiramisu
$48
63 views
0 likes
0 comments
白色層係馬斯卡邦芝士Mascarpone Cheese🧀，質感細滑，食落更好似自身帶啲咖啡味，咖啡豆嘅酸味。啡色層雖然唔係手指餅，但索汁嘅程度有過之而無不及。你睇我用叉輕輕一壓，啲咖啡就吱晒出嚟☕️，但味道又唔會太苦，酒香恰到好處。作為提拉米蘇專員嘅我認為呢度嘅出品值得推介，未必話係最好食，但就好有自家特色，又不失傳統風味。
S. A. Rooibos Matcha Latte
$45
78 views
0 likes
0 comments
總括嚟講，今餐係一個唔錯嘅體驗，非洲菜比想像中易入口🇿🇦🇨🇫🌍。本身仲想試埋佢嘅魚餅，但可惜同樣售罄。餐廳咁受歡迎，下次如果再嚟幫襯睇怕要早啲。定價方面，我認為屬中等水平，人均消費約二百蚊，但如果份量多啲就更好，畢竟我係女仔食完都覺得只係飽咗七成😝。
Post
