Busy Suzie (Closed)

約了老朋友尖沙咀區相聚，由佢選擇地方，佢話呢間最近update咗個menu。有不少的定食選擇，價錢圍繞一佰至佰伍蚊不等，都算合理。叫了和牛肉定食，朋友則要魚生。定食都算幾豐富，除了和牛及一碗飯外，仲有玉子蛋三文魚刺身，因為我唔食生的三文魚，所以三文魚壽司由朋友包辦了，他說好好味同味噌湯，味噌湯不錯，不太鹹有點點鮮味，內裡還有蜆肉，唔食得都至少睇得。和牛也都Good，呢個價錢都有唔錯嘅質數。呢度裝修雅致同環境舒適，來飲杯野傾下計是真的不錯。埋單每人100 蚊，幾經濟，下次出新menu一定要再試！