金興小廚

Open Now

Now Closed

平時買開蛇羹食，都會留意呢間餐廳，因為朋友食過話唔錯，不過最慘係佢唔做晚市既，咁利害唔做晚市都夠交租 🤨 真係有時想試下都有啲難道，今日晚上經過發現佢依家竟然做埋夜市，真係估佢唔到，所以二話不說就幫襯。係門口睇緊餐牌之際，老闆行咗出嚟介紹餐牌，同時我亦好奇問下點解會開埋晚市同寒暄咗幾句，係老闆推介下揀咗日式咖喱奄列蛋包飯配雞髀拼司華力腸。日式咖喱奄列蛋包飯配雞髀拼司華力腸 ($58) : 雖然飯底幾好唔錯，奄列亦做得出色， 不過唔知係咪外賣既關係，盒飯真係幾細盒下，食完都重有啲肚餓 😅 雞髀用滷髀黎炸，唔係生炸始終差啲，而司華力腸就得半條，成個飯味道就普普通通無咩驚喜，可能我無試佢地既皇牌菜掛，下次試下佢地好出名既咸雞飯。