Video
Read full review
2016-11-04
286 views
終於等到出糧日,所以決定去食餐好既慰勞下自己...經朋友介紹下,決定試下呢間既廚師發辦..佢有3款價錢唔同既廚師發辦,我同朋友揀左個中位$1500既黎食...前菜賣相精緻,有三款小食,日本小蕃茄食落多汁清甜,配微酸既啫厘一齊食,層次感豐富..日本金栗味道非常香甜,入口爽脆.熟既三文魚煮到岩岩好,唔會太乾,食落好嫩滑日本菠菜沙律:平時食開既菠菜會有一陣苦味或土味既感覺,而呢度既菠菜就無個種味,可能有洋蔥,自家製既麻醬汁和黃豆粉混入,所以食落味道好夾,好清新.8款刺身,有金鯛,赤鯥,油甘魚腩,拖羅,秋刀魚,牡丹蝦,赤貝,醬油醃吞拿魚背...。金鯛肉質鮮嫩,口感比普通鯛魚肉質更紮實一點.而赤鯥則唔會入口即溶,反而口 爽脆,而且鮮甜無比.油甘魚腩口感柔軟細滑,油分較重,但肥而不膩,入口即溶.拖羅口感鬆軟,放入口中甘香鮮甜.秋刀魚肉質鮮嫩,配上自製既酸酸甜甜醋汁不僅減少魚肉本身既腥味,口感也豐富起來.牡丹蝦肉質結實富彈性,味道鮮甜濃郁,赤貝肉質肥美,味道甘甜,口感十足.醬油醃吞拿魚背肉質油潤而軟滑,魚味濃郁鮮甜...聖子皇:聖子皇果然很大隻肥美,炒得一點都唔會過火,肉質爽滑彈牙,鮮味十足,配上既
經朋友介紹下,決定試下呢間既廚師發辦..
佢有3款價錢唔同既廚師發辦,我同朋友揀左個中位$1500既黎食...
前菜賣相精緻,有三款小食,日本小蕃茄食落多汁清甜,配微酸既啫厘一齊食,層次感豐富..日本金栗味道非常香甜,入口爽脆.熟既三文魚煮到岩岩好,唔會太乾,食落好嫩滑
日本菠菜沙律:平時食開既菠菜會有一陣苦味或土味既感覺,而呢度既菠菜就無個種味,可能有洋蔥,自家製既麻醬汁和黃豆粉混入,所以食落味道好夾,好清新.
8款刺身,有金鯛,赤鯥,油甘魚腩,拖羅,秋刀魚,牡丹蝦,赤貝,醬油醃吞拿魚背...。金鯛肉質鮮嫩,口感比普通鯛魚肉質更紮實一點.而赤鯥則唔會入口即溶,反而口 爽脆,而且鮮甜無比.油甘魚腩口感柔軟細滑,油分較重,但肥而不膩,入口即溶.拖羅口感鬆軟,放入口中甘香鮮甜.秋刀魚肉質鮮嫩,配上自製既酸酸甜甜醋汁不僅減少魚肉本身既腥味,口感也豐富起來.牡丹蝦肉質結實富彈性,味道鮮甜濃郁,赤貝肉質肥美,味道甘甜,口感十足.醬油醃吞拿魚背肉質油潤而軟滑,魚味濃郁鮮甜...
聖子皇:聖子皇果然很大隻肥美,炒得一點都唔會過火,肉質爽滑彈牙,鮮味十足,配上既紅椒,惹味中帶點微甜,唔錯既組合.
三文魚籽:粒粒都圓潤有光澤,而中間既魚油無論如何轉動,魚籽都會浮係上面,証明真係好新鮮,入口爽滑,一咬即破,魚油滲進口中,一D腥味都無,真係令人回味無窮.
拖羅魚鮫(下巴) :魚鮫先燒後焗,燒的外脆內軟,食落魚香持久,滿口油香,再加少少青檸汁黎食吃,可減少油份味道更滋味.
茄子餃子:煎香左既茄子皮帶點脆,餃子皮薄餡足,輕輕咬開,肉汁豐盈,菜和肉比例平均,連食2隻都唔覺膩.
秋刀魚壽司:聽說而家係秋刀魚既時令季節,所以一定要試下..肉質肥美,而且鮮甜不帶腥味,有彈性,口感油潤豐腴.
生菜包:以新鮮既生菜包住三文魚,蕃薯絲和壽司飯整成的,生菜新鮮翠綠且爽甜,三文魚肥美,配埋脆炸既蕃薯絲和獨有既麻醬汁,感覺好創新,味道出奇地夾.
小鰭壽司:肉質鮮嫩而結實,魚味濃帶鮮甜味,無腥味,配上自家製醃汁,令到味道更為咸香,令人一試難忘.
福村壽司:由西村先生既自創壽司,一啖可食到拖羅腩,甜蝦,海膽,三文魚籽,除左新鮮香甜,口感仲好豐富,味道令人回味.
撈撈手卷:紫菜非常脆口,餡料有吞拿魚蓉,海膽,三文魚籽等...而且餡料不止於表面,吃到中間仍有,真的好豐富,好滿足.
香葱昆布素麵:材料雖然簡單,但一上枱香葱香氣撲鼻,配埋幼細溜滑既昆布和纎細既素麵,食落好暖胃.
甜品係日本蜜瓜和紅豆意式奶凍:蜜瓜鮮甜多汁,後熟果肉柔軟鬆化.紅豆奶凍好香滑.甜而不膩,真係唔錯既飯後甜品.
Post
