Video
Read full review
2023-05-16
2775 views
工作太苦悶了, 今晚相約朋友出旺角食餐勁, Lab Eat Bistro Bistro是朋友食過推介的, 在旺角地鐵站出口行幾分鐘, 很方便。平日也全場爆滿, BOOK 定位較好。餐廳裝飾簡潔舒服平日星期一至四1930 前入座, 主菜連120分鐘放題只需$288, 還可加錢升級市場餐廳較少供應的扒類主菜、加配生蠔、鵝肝及飲品, 另Free flow 120分鐘任飲紅酒、白酒、氣酒、啤酒、果汁及汽水 , 只需加$108, 自問人飲得嘅人, 呢個價錢好抵!自助餐第一時間巡視業務是常識吧, 海鮮冷盤有海螺、長腳蟹及大蝦, 西班牙火腿、沙律、甜品及雪糕櫃, 還有餐廳室外的bbq場, 食食吓我地見隔離枱有爆膏龍蝦, 急急出去攞, 又唔見喎, 於是問店員, 店員話時令海鮮冷盤會不定時推出新款的, 自己多加留意。白酒及氣酒 ($48加配)Cheer! 我跟朋友都是小飲怡情之仕, 所以冇加錢任飲, 只點了各一杯白酒配海鮮, 我杯白酒比較 fresh, 偏向果味重, 唔dry , 易入口。長腳蟹 ~ 蟹鉗正, 鉗肉爽實喊鮮, 掃幾隻蟹鉗己值回票價。凍蝦 ~ 大大隻, 蝦肉夠爽彈, 爽甜有蝦膏, 口
平日也全場爆滿, BOOK 定位較好。
餐廳裝飾簡潔舒服
平日星期一至四1930 前入座, 主菜連120分鐘放題只需$288, 還可加錢升級市場餐廳較少供應的扒類主菜、加配生蠔、鵝肝及飲品, 另Free flow 120分鐘任飲紅酒、白酒、氣酒、啤酒、果汁及汽水 , 只需加$108, 自問人飲得嘅人, 呢個價錢好抵!
自助餐第一時間巡視業務是常識吧, 海鮮冷盤有海螺、長腳蟹及大蝦, 西班牙火腿、沙律、甜品及雪糕櫃, 還有餐廳室外的bbq場, 食食吓我地見隔離枱有爆膏龍蝦, 急急出去攞, 又唔見喎, 於是問店員, 店員話時令海鮮冷盤會不定時推出新款的, 自己多加留意。
白酒及氣酒 ($48加配)
Cheer! 我跟朋友都是小飲怡情之仕, 所以冇加錢任飲, 只點了各一杯白酒配海鮮, 我杯白酒比較 fresh, 偏向果味重, 唔dry , 易入口。
長腳蟹 ~ 蟹鉗正, 鉗肉爽實喊鮮, 掃幾隻蟹鉗己值回票價。
凍蝦 ~ 大大隻, 蝦肉夠爽彈, 爽甜有蝦膏, 口感同鮮味算很不錯。
主菜 : 美國穀飼天然牛腰扒 8安士 ($188 加配)
牛腰扒我同朋友都未食過, 叫了五成熟, 煎得剛剛好, 冇血水, 色澤紅潤有光澤, 外層煎得香香的, 入口油香四溢, 牛肉汁很豐富, 肉質結實但口感鬆軟嫩口, 一啲都唔韌, 肉味特別濃郁, 值得加錢升級
主菜 : 美國穀飼天然牛腰扒 8安士 ($188 加配)
21 views
0 likes
0 comments
呢個位有一層薄薄肥牛位, 外層煎很焦香, 入口勁香口, 有好香既炭燒肉味。
牛肉汁豐富, 肉味特別濃郁
呢個牛扒醬都好特別, 很難形容的味道, 口感味道似是蛋黃芥未醬混合了牛油蛋白沫, 很香滑, 有小許芥末香, 最好的肉味是拈少許海鹽伴食。
主菜 : 招牌脆皮咔嚓雞扒
薄薄一片金黃色的雞皮, 入口索索聲, 脆卜卜的, 比食魚皮更香口。
雞扒大大塊, 切開肉色還有少許粉紅色的, 剛剛熟, 雞肉嫩滑juicy, 少少咸, 多多脆, 雞扒下面的薯蓉香滑美味, 雜菌也炒得香香鹹鹹, 美味。
椰菜花 ~個醬好得意, 有啲四川麻辣醬加墨西哥醬感覺, 辣辣地, 好惹味。
意大利腸、煙三文魚及西班牙火腿 ~ 油香得黎, 唔喊, 平時食開的西班牙火腿, 喊到阿媽都唔認得, 西班牙火腿包哈密瓜
鐵板日本大分和牛 (2人送一份)
和牛真係每人食兩三塊己經好夠, 日本和牛雪花平均, 整塊牛肉片滿滿的雪花, 真係勁油香, 職員炒好後只是略加海鹽調味, 金香和味。
再來甜品時間, 都係啲大路自助餐甜品, 最特別係有一個勁大的樽放滿了色彩繽紛的棉花糖及啫喱糖, 很吸晴, 連平時唔多食呢啲糖品嘅我都忍唔住攞咗啲。
再來哈根大師的朱古力及雲呢拿雪糕, 另一個品牌嘅伯爵茶雪糕都好味的。
Post
