Read full review
2023-07-15
110 views
由兩大超人氣男團成員肥仔、Jeremy、Jer開立嘅「幻」Maboroshi Teppanyaki Sushi,而家做緊暑假感謝祭75折!只要Follow返幻嘅社交平台就得,加$1仲有鐵板燒龍蝦,千祈唔好走寶!「幻」嘅食材由海外每天直送到舖頭,保證新鮮!而且服務超貼心,商場Concierge行得遠又收得早,店員會代你去Concierge搞埋泊車優惠,加分加分!幻 鐵板燒一人前 $1780/位是日特色沙律 - 無花果高糖蕃茄冰菜沙律無花果腍甜、高糖蕃茄爆汁又夠香、冰菜爽嫩!季節前菜 - 白飯魚松葉蟹肉小松菜清甜而且口感滑嫩,都幾開胃!刺身3點盛醋鯖魚 - 醋酸怡人,亦能細味鯖魚嘅脂香!甘海老 - 軟糯甘甜,真係好新鮮!平目魚 - 魚味淡雅,配炙燒過嘅魚邊,增添油香!廚師發辦日本時令海產6點盛関西地蜆清湯 - 以日本嘅透明耐熱紙烹調,睇住超巨型嘅関西地蜆慢慢開口,過程十分療癒!関西地蜆啖啖肉,配清甜嘅昆布木魚清湯,上面再加海膽增鮮,海膽以熱湯輕焯過後,更見鮮甜!鹽焗九州磯粒貝 - 即席喺鐵板上面鹽焗,磯粒貝肉爽甜味美!Dip少少赤麵豉醬,風味更佳!鐵板燒石垣貝 - 石垣貝刺身就食得多,鐵板
「幻」嘅食材由海外每天直送到舖頭,保證新鮮!而且服務超貼心,商場Concierge行得遠又收得早,店員會代你去Concierge搞埋泊車優惠,加分加分!
幻 鐵板燒一人前 $1780/位 是日特色沙律 - 無花果高糖蕃茄冰菜沙律
無花果腍甜、高糖蕃茄爆汁又夠香、冰菜爽嫩!
季節前菜 - 白飯魚松葉蟹肉小松菜
清甜而且口感滑嫩,都幾開胃!
刺身3點盛
醋鯖魚 - 醋酸怡人,亦能細味鯖魚嘅脂香!
甘海老 - 軟糯甘甜,真係好新鮮!
平目魚 - 魚味淡雅,配炙燒過嘅魚邊,增添油香!
廚師發辦日本時令海產6點盛 関西地蜆清湯 - 以日本嘅透明耐熱紙烹調,睇住超巨型嘅関西地蜆慢慢開口,過程十分療癒!関西地蜆啖啖肉,配清甜嘅昆布木魚清湯,上面再加海膽增鮮,海膽以熱湯輕焯過後,更見鮮甜!
鹽焗九州磯粒貝 - 即席喺鐵板上面鹽焗,磯粒貝肉爽甜味美!Dip少少赤麵豉醬,風味更佳!
鐵板燒石垣貝 - 石垣貝 刺身就食得多,鐵板燒真係第一次!香煎過嘅石垣貝多咗一浸微焦嘅香氣,配松露野菌汁,既香且甜!
煙燻鐵板燒金目鯛 - 輕輕煙燻一分鐘嘅金目鯛,煙燻味溫和討好!金目鯛肉質細膩,味道鮮美!最正係連鱗煎,多咗一重卜卜脆嘅口感!
鐵板燒鮑魚 - 鮑魚煎得good fit,香口彈牙同時易咬,以三文魚子增鮮!配海膽忌廉汁,啱晒鐘意濃味嘅我!
鐵板燒龍蝦 - 加$1就有半隻,配特製嘅濃厚蝦膏蝦腦醬汁,濃鮮可口!
鐵板燒鵝肝 - 香煎至外脆內軟嘅鵝肝,一咬即爆出甘香嘅鵝油!粉紅色心型嘅最中餅,夠晒搶眼!夾埋肥美嘅鵝肝一齊食,同樣美味!
海膽蒸蛋 - 友人唔食鵝肝,改出海膽蒸蛋!原隻開殼去刺再加入蛋漿蒸,蒸完再加入海膽 刺身,集濃、香、滑、鮮於一身,不得了!
鐵板燒A4黑毛和牛
油花分佈極漂亮嘅A4黑毛和牛,加入蔥花同埋鮮製嘅炸蒜,入口香郁!多士亦有輕輕煎過,同樣美味!
食事 - 高菜炒飯
內含大量銀魚仔同埋高菜,既有咸香,口感亦有一點像飯團,頗具特色!
吸物 - 蜆味噌湯
臨ending前嘅味噌湯,有大量新鮮蜆肉!
甜品 - 日本西瓜
甜美多汁!
Post