兩草 (Closed)

咁岩上網睇到介紹大坑開左間星馬菜的餐廳，即刻諗起之前去新加坡的時候的美食，所以當晚同朋友就即刻去大坑果邊一試。大約晚上8點約的時到，幸運地唔使等位就直接入到去坐了，店的空間唔算多，大約5-6張 5人枱，雖然唔使等位，但有7成的枱都坐左人。坐低左就馬上睇Menu，最後兩個人我地叫左3樣野食。香煎脆邊蛋肉餅飯 肉餅飯真係好出色，10分入面我會俾9分，價錢唔算貴，肉餅外脆內軟，蛋重要係荷包蛋，有蛋汁流出黎。香茅肉碎溫泉蛋飯同想像中的有d出入，個飯比較淋，但溫泉蛋再加埋肉碎咁食都算野味，10份會俾7分班蘭咖央多士多士好脆，但比較細件，鍾意食既朋友應該要自己單獨叫一份，10份會俾5分總結黎講飯類都幾出色，以lee個價錢黎講好值得再去食，有機會試埋menu其他的野。