愛上米線 (美輪大廈) (Closed)

米線真係食得多, 來來去去都係嗰幾間, 感覺冇乜新鮮感, 有D徬徨及失落。居然經過北角強記舊鋪俾我發現有間:愛上米線新開的, 位置就在地鐵站旁, 鋪面好大, 裝潢清明, 環境衛生同空間感真係贏哂既然被佢吸引咗入黎, 就要睇下會否令我愛上米線啦~嘩, 個餐牌製作都好精美, 揭完再揭, 款款都想試添, 不過, 我見到有酸菜魚就即刻心心眼呢, 再加豬膶添, 哈哈, 商品說明條例, 真係有好多嚿魚喎, 口感綿綿的, 湯頭微酸微辣, 好啱我口味, 最怕有D酸到令人打冷震, 豬膶份量頗多, 薄薄一片一片, 做到爽滑, 不會死實、嚡另叫一款係廚師推介嘅蕃茄魚腐米線, 原來蕃茄係一堆放邊, 並不是成碗都係蕃茄湯味, 又幾另類,  再加魚角, 大腸, 主角魚腐好軟滑, 一D都唔腥, 魚角不是爽口嘅口感, 軟滑, 有魚味, 大腸做得幾好喎, 一D肥膏都無, 多食都唔怕肥呀試多兩款小食, 拍青瓜同埋金沙雞翼, 青瓜$18, 入味, 做前菜一流, 金沙雞翼, 面頭嘅咸旦黃, 好香, 雞翼即炸, 金黃色, 勁脆, 飲埋杯芒果珍珠就確定愛上米線喇~