鮨勝 (Closed)

🌟慢煮鮟康魚肝
鮟康魚肝採用慢煮方法烹調, 所以食落更綿滑, 味道更濃郁, 上面撒左少量Wasabi同青檸皮嘅絲, 令口感更清新

🐟刺身五品：

3 views

🌟松葉蟹刺身🦀
蟹肉上面鋪左蟹醋啫喱, 酸酸甜甜加埋紫蘇花突出嘅香味, 非常開胃同時帶出蟹肉鮮甜味

🌟日本真蠔
生蠔上面擺左少許蕃茄味蘿蔔茸配搭酸汁, 入口先係甜甜嘅蕃茄味, 蠔味隨後而出, 肉質清爽, 濃郁鮮甜

🌟熟成拖羅
拖羅熟成14日, 上面放左少量芥末籽, 外皮輕輕燒一燒, 油份會保持較多, 入口即溶, 油脂甘香, 味道係口中last左好耐!

🌟秋刀魚
秋刀魚表面輕輕燒過帶微微焦香味, 同時亦將魚油迫出, 上面塗上蒜味醬油同放左少許用炸蒜整成嘅醬油脆脆同七色芝麻, 味道同口感幾特別!

🌟煙燻鰆魚
口感清爽嘅鰆魚外皮經煙燻過後帶點焦香, 配搭口感爽脆自家醃製嘅紫洋蔥同芝麻, 食落清新不油膩

🍁季節料理：

🌟金鱗鯛
日本時令金鯛魚連魚鱗一齊炸, 上面更放有一片秋葉作裝飾, 旁邊擺有青檸同喜馬拉亞山岩鹽, 一件可有多種食法嘅炸物震撼住不同味蕾, 魚肉外脆內嫩啖啖肉, 單食已經好好味, 加點青檸汁令感覺份外清新, 而岩鹽就令鮮味更突出, 最後可以食埋旁邊嘅蘿蔔清一清味蕾

壽司六貫🍣：

🌟剝皮魚壽司
剝皮魚其實係馬面魚嘅俗稱嚟, 魚肉爽口有彈性, 配搭自家製嘅魚肝醬, 肝醬調味適中, 配搭埋一齊食味道更鮮

🌟牡丹蝦壽司
上面放左一點蝦頭蝦膏, 蝦肉口感結實有彈性, 食落鮮上更鮮

🌟赤身醬油漬壽司
赤身味道濃郁, 配搭黃芥末／芥辣, 芥辣嘅辣味突然一下子衝擊味蕾, 感覺幾驚喜刺激

蒸物：

🌟黑松露野菌茶碗蒸🍄🥚
茶碗蒸作為間場一嚟可以清一清口腔, 二嚟又無咁悶, 黑松露野菌蒸蛋平時比較少食, 入口好香黑松露味, 蒸蛋非常嫩滑Q彈,上面加左少少檸檬皮, 所以食落會帶點點檸檬嘅清新, 亦平衡番黑松露獨有嘅濃烈味道

壽司六貫🍣：

🌟北海道馬糞海膽壽司
海膽味濃郁鮮甜, 入口即溶, 上面放左少量鹽昆布, 令鮮味更突出

🌟黑鯥魚壽司
入口先係微微煙燻味, 上面擺有山葵同少量昆布碎, 食落口感同層次都更豐富

🌟煙燻銀雪魚壽司
師傅係我地面前將銀雪魚煙燻, 入口爽甜嘅魚肉帶點煙燻味, 非常有層次感

卷物🍣／玉子🥚／吸物🥣／甜品🍈：
🌟吞拿魚茸手卷
師傅有問我地想要多飯, 正常定少飯, 十分貼心😊! 手卷夾雜住吞拿魚蓉同蔥花, 魚蓉份量幾多, 油份亦比較高, 所以食落好香油脂味, 相當滿足!