Day and Nite by Master Kama (Closed)

飲食業競爭愈來愈大, 要突圍而出少d心思都唔得, 香港人要求又愈來愈高, 坊間近年食家foodies以幾何級增加, 食餐飯已經唔係果腹咁簡單, 飲食係要講體驗; 旺角呢間新餐廳絕對係代表作之一, 座落波鞋街十字路口, 由外牆設計到餐廳內既裝修都別有用心, 服務更加係貼心安排, 早幾天預約, 到食飯當日會打電話黎confirm booking, 入座悉心安排位置, 餐點種類五花八門, 今日先試試招牌Lobster Mac and Cheese ( Risotto ), 加個馬糞海膽茶漬飯; 大大隻龍蝦鉗加埋拆殼龍蝦肉混係芝味意大利飯入面, 肉質鮮味又彈牙, 米飯軟硬適中, cheese得黎又無蓋過龍蝦鮮味; 茶漬飯湯底有淡淡昆布味, 配上新鮮海膽同珍珠米別有一番滋味, 旁邊開胃蘿蔔漬物建議飯前先食, 飲品Cookie & Mint係意想不到既驚喜, 絕對拎到薄荷與朱古力之間既均衡點, 外表又靚味道又正