Four O Five Coffee & Eatery

Open Now

Now Closed

今日謝師宴，到我請翻教我嘅同事去食好西。上Openrice做過吓功課，呢間響官塘成業工業大廈入面嘅Four O Five Coffee & Eatery超多好評，好味、抵食，兼且梳乎厘好出名。估唔到工廠大廈入邊有間咁高格調嘅cafe，裝潢設計頗有品味，令人有種別有洞天既感覺。我地叫左兩個午餐share，佰幾蚊一個set lunch 超抵食，有餐湯或沙律，主菜同餐飲。仲可以超優惠價加配梳乎厘。明太子蟹肉闊條麵：每條闊條麵掛滿香濃醇厚的明太子醬汁和鮮甜的蟹肉，麵條Q彈爽口，個汁微辣超creamy，非常惹味。慢煮牛面肉蜆殼粉：慢煮的牛面肉好淋同個燒肉蕃茄汁好夾，搭配彈牙的蜆殼粉，口感層次豐富。伯爵茶珍珠梳乎厘班戟：超巨型打卡一流，連珍珠都系大号😂伯爵茶濃郁而不會太甜膩，吃起來香濃綿密。吉士焦糖梳乎厘班戟：好鬆軟、蛋味香濃，焦糖面層、焦糖爆谷好脆口，啱哂鍾愛甜味之人。