三川居酒屋 (Closed)

餐廳係地庫位置，一入到去感覺好似身在日本，滿滿東瀛風，以木為主，仲有一個個草屋咁嘅卡位，再播埋香港人嘅歌，心情都特別好。非常時期，入到坐底就見到每張枱都有一支消毒消毒雙手，仲會比四張紙巾你抹咀同包口罩，仲有消毒濕紙巾比你抹電話，相當貼心，令你食得安心。環境同服務好之外，食物質素都相當高，做到色香味俱全，見到咁多都話刺身同菇批正，我都叫黎食下真係好好味。今次叫左四樣，每人平均$320。牛油果三文魚野菜沙律 $88醬汁用左日式和風汁，酸酸甜甜，特別開胃。三文魚份量都唔少，非常油潤鮮嫩，配上滑口牛油果，相當美味。二人特選刺身盤 $298 一盤有七款刺身，色彩繽紛，晶瑩通透，好新鮮，完全無腥味無雪味，仲要厚切大塊。鰻魚牛油果加洲卷 $98 鰻魚熱辣辣，軟嫩口感，無渣無腥。而且個鰻魚汁同沙律醬分量配得幾好，唔會太多令到味偏埋邊。面頭上仲加左木魚片，食落多左個份香味。明太子蟹肉醬焗蠔肉磨菇批 $98 一碟兩大個，表面滿滿嘅明太子，味道甜甜地，味道濃，食落相當Juice，而且啲蠔唔腥，份量都幾多。