屋台屋 (Closed)

今晚點左：-蜆肉麵豉湯烏冬+牛舌煎蛋飯-蔥吞拿魚腩卷-牛肋骨山賊燒-蔥油醬油拉麵首先講講環境，地方寬敞，但枱面癡笠笠。店內無咩人，店員比顧客還多。先黎一個強制性前菜（需收費），係你同我都可以喺小食店買到嘅螺肉，$18蚊得幾粒，普通茶亦另外收錢。蜆肉麵豉湯烏冬嘅湯係味精、蜆肉內臟未清，仲有沙添，烏冬係超市貨色。牛舌煎蛋飯，係成個茶餐廳格局出晒黎，牛舌勁有𡁻口，每粒牛舌都𡁻到崩潰，牛舌本身就無乜調味。蔥吞拿魚腩卷算全餐飯最正常嘅食物，無驚便算喜。當我以為牙胶可以休息一下嘅時候，我另外要花158蚊再挑戰面部肌肉嘅極限，牛肋骨山賊燒𡁻到我嘴都歪，外面煎至全黑，裡面偏熟。蔥油醬油拉麵黎講，食唔到蔥香醬油香，拉麵淋到一個點，完全無𡁻口。啱嘅，廚師知道我頭先𡁻得太辛苦，所以其實好體貼。成個拉麵仲落左幾滴港式嘅辣椒油，令我有彷如置身茶餐廳嘅感覺。埋單總共$517，完全係浪費金錢嘅好選擇。