Homeland (東昌街) (Closed)

今次又係回訪系列，對上一次嚟都已經係超過一年嘅時間，今次想食啲西式嘢，就決定嚟homeland試吓最近嘅水準～呢間餐廳有兩層，今次我哋上上層，都坐得幾舒服，餐牌上面嘅嘢食選擇都好多😋首先一定要試吓佢嘅手工意粉，我哋叫咗秘製伊比利亞火腿卡邦尼意粉($128)😌呢個意粉唔係好多白汁嗰款卡邦尼意粉，而係將蛋拮爛會變成好creamy嗰款，而火腿令到意粉更惹味，非常好食！另一個意粉絕對係我嘅favourite，冬蔭功海蝦闊條麵 ($128)，首先個賣相已經一流，冬蔭功味好香，但係我略嫌佢唔夠酸～而蝦就有四隻，肉質都好彈牙🤤不得不讚嘅係，呢度啲手工意粉真係好煙韌，係令到我比高分嘅原因😚另外我哋亦都叫咗煙三文魚凱撒沙律 ($58)，呢個價錢嚟講份量算係比得好足，味道就算正常啦！另一個就叫咗香草牛油蒜香焗田螺 ($88)，田螺有六粒，佢嘅薯蓉亦都算係幾好食，蒜香味好濃～嚟到當然都要叫吓佢哋嘅嘢飲啦！青檸水果梳打多多 ($36)嘅多多味比水果同青檸味濃，飲落唔覺得好甜，係一個好清新嘅飲品～我就叫咗一杯黑糖紅茶鮮奶 ($36)，呢個配搭基本上都唔會有咩問題，同今日叫嘅嘢食都算幾夾😋好耐冇嚟食，水準都仲ke