在水一坊

Open Now

Now Closed

今日行過見到呢間裝修唔錯既cafe諗住試下新嘢就入咗黎我地嗌咗兩個飯三文魚鬆蟹籽飯同雜錦天婦羅飯其實我地都無期望太多，諗住普普通通食個飯就走人嫁喇。但兩個飯既製作都勁馬虎，都幾失望下。首先係個三文魚鬆蟹籽飯，啲三文魚鬆同蟹籽既份量好少，成個飯都好單調，54蚊既話我覺得吉野家抵過佢之餘仲好食過佢。到個天婦羅飯，啲份量又係少，而且口感幾硬下，最重要係個豉油竟然係鮮魚豉油，完全唔夾。最失望既係，啲飯竟然係泰國米！！！！！而唔係日本米，個飯好似茶餐廳既碟頭飯咁，製作勁hea又無誠意！讚既係天婦羅飯入面既紅薑配料唔錯，正正常常。杯冬瓜茶都幾好飲呢間既野食係呢兩日食過最差同唔抵既。