喜茶 (時代廣場)

Open Now

Now Closed

以我所知銅鑼灣呢間係全香港最後一間喜茶， 到得返最後一間嘅時候我先來第一次飲！點左最出名嘅芝芝芒芒！ 一路以嚟都唔係手搖杯裝飲品嘅捧場客，今次第一次試呢個芝士奶蓋，好友驚喜！芝士奶蓋之味濃郁，少少鹹，配落杯芒果茶沙冰係史無前例咁夾！ 一路飲，有少少嘅芝士鹹味加香甜嘅芒果味，非常正！如果下次可以再試，會試吓芝芝金鳳茶王， 因為想試吓平時飲開嘅茶配落個芝士奶蓋嗰度會有啲乜嘢味覺新感受！不過個人認為佢個價錢有少少貴，相較起其他同類型嘅舖頭競爭力唔係咁大，所以都係順路嚟嘅時候先會飲。