魚眾不同酸菜魚 (長發廣場)

Open Now

Now Closed

之前冬天黎過呢度食過花膠雞米線覺得幾好食，今日放假就同隊友黎食佢個招牌菜酸菜魚，呢度地方闊落，裝修落過心機，屋村商場黎講佢都幾落本。食物方面除左招牌既酸菜魚之外，仲有炒飯同港人最喜愛既火鍋，而我地今次叫左兩款唔同辣度既一人份系列同兩杯特色飲品。份量都幾多，完全唔驚唔夠飽。青花椒酸菜鱸魚薯粉-每個一人份可以免費揀兩款菜，呢個我揀左娃娃菜同萵筍，啲菜索晒啲湯汁入晒味，香辣惹味，鱸魚好滑好好味，薯粉彈牙得黎唔會咬唔爛。老壇酸菜牛肉米線-而呢個我地就揀左大豆牙同金針菇，份量都幾多，有好多金針菇，成碗都係餸，驚辣嘅可以唔食辣都得㗎！菠蘿梳打特飲/鹹檸七-食完辣嘢，飲返杯凍飲，消暑又解辣。