Video
Read full review
2015-08-05
3689 views
週日黎食午市2小時放題，好多野唔滿意，但先講今日見到最驚嚇嘅事情：就係食飯尾段，我屋企人去左洗手間，去洗手間會經過佢地廚房，屋企人話見到廁所，廚房都非常邋遢，最核突係個刺身師傅冇帶口罩，冇戴手套，一邊整刺身一邊玩手機！！！ 佢見到後即刻冇晒胃口，想走。我聽完後，即刻想把之前食過嘅野嘔返晒出黎，一致同意即刻埋單走人，未黎嘅食物都唔再等了。下邊由頭講起。我地12點正準時黎到，係第一枱客。坐低後即落左幾張單，但第一碟食物送上黎係20分鐘之後！第一碟食物只係三件壽司，都要等左成20分鐘，再下一碟食物出現係再10分鐘之後，係第一次order嘅刺身，即係等第一碟刺身足足等左半個鐘！（等20分鐘等黎的第一碟食物，壽司正常）等食物期間，黎左好幾枱客，大家都係一坐低就落單，但頭20分鐘都係全部枱冇食物黎。眼見啲師傅好似12點後先至慢悠悠咁準備食材，準備開工。係人都知食放題嘅時間好寶貴，但啲師傅咁嘅工作態度，已經令我對呢間野即時冇好感。另外我訂枱時，staff同我講午市冇咁多人，所以啲位唔會安排到好逼，晚市先至會。點知我地坐低之後，第二枱黎嘅客人，個staff已經安排佢地坐正係我地隔離，同我地嘅枱只有不到
下邊由頭講起。
我地12點正準時黎到，係第一枱客。坐低後即落左幾張單，但第一碟食物送上黎係20分鐘之後！第一碟食物只係三件壽司，都要等左成20分鐘，再下一碟食物出現係再10分鐘之後，係第一次order嘅刺身，即係等第一碟刺身足足等左半個鐘！
（等20分鐘等黎的第一碟食物，壽司正常）等食物期間，黎左好幾枱客，大家都係一坐低就落單，但頭20分鐘都係全部枱冇食物黎。眼見啲師傅好似12點後先至慢悠悠咁準備食材，準備開工。係人都知食放題嘅時間好寶貴，但啲師傅咁嘅工作態度，已經令我對呢間野即時冇好感。
另外我訂枱時，staff同我講午市冇咁多人，所以啲位唔會安排到好逼，晚市先至會。點知我地坐低之後，第二枱黎嘅客人，個staff已經安排佢地坐正係我地隔離，同我地嘅枱只有不到一個人行嘅距離。當時餐廳冇其他人。咁我係咪可以認為當初訂枱時嗰個staff係呃緊我？
我知好多放題餐廳都把座位安排到好逼，但見openrice下邊唔少食評話金田嘅座位唔會咁逼，這是我選擇黎金田嘅其中一個原因。但我眼見午市座位都咁逼，何況晚市？點解會有人話佢啲位唔逼？難道我們不是生活在同一個星球？
繼續講，刺身係冇冰盛載嘅，睇落賣相麻麻地。咁都唔緊要，如果放左冰，有時我反而覺得會搞到啲刺身太凍，食唔出鮮味。呢到嘅刺身食落我只可以話係放題店嘅正常水平，冇雪味，但亦都冇咩鮮味。最有鮮味就係三文魚，但如果連三文魚都冇味嘅話，呢間鋪絕對可以執得。
刺身試過有啲點左嘅冇黎。有啲我地點兩片，佢又俾成六七片。日式燉蛋水汪汪，比蒸水蛋仲多水，但這已經係當日最好味嘅食物（仲有三文魚刺身）。
我order清酒煮青口，但佢地話今日冇青口，黎左清酒煮蜆，都冇所謂。但無論係蜆同湯，全部冇酒味。
燒物，無論係串燒，鐵板燒定鹽燒，無論係燒魚，燒牛，燒羊定燒雞，一律係好似從油入邊浸出黎咁，油到飛起！比其他放題店都油。我用餐巾紙吸油都用左成包餐巾紙。食燒物我第一次係冇樣想encore的，因為全部都太油。
（食左一啖就油到唔想食）我唔食炸野，唔評價佢地嘅炸物同天婦羅。
成個放題途中，上菜慢係不變嘅定律，我同staff催過幾次單。中間有幾段冇食物黎，坐係度呆等。枱枱都有呢種情況。啲服務員（除左有個女仔好啲），其他人望落全部都係冇心機咁，你同佢要咩野，催單，佢地全部好似都不樂意做野咁！面上全部冇笑容，個個木口木面。我又唔明點解openrice咁多食評話佢地服務好。 難道我地不是在同一個星球？
我食放題係第一次食到半飽就想走，當時只係1點15分，如果從佢上第一碟食物12點20幾分計起，即係唔到一個鐘就想走。
但點解未走？因為我第二輪落單時落左個泡菜海鮮鍋，同個湯烏冬（我今日好想食烏冬），佢到宜家都未黎，已經催過三次，第三次催後，我再問返個staff，佢先話“唔係漏單，係太忙未整，要再等等”。
放題店嘅廚房應該係唔同師傅負責唔同line掛，刺身order就負責刺身嘅師傅做，燒物order就負責燒物嘅師傅做，鍋物就應該係負責鍋物嘅師傅做。但眼見全場冇人食緊鍋物，咁鍋物師傅做緊乜？應該係其他line嘅師傅“兼職”做鍋物，但另一類食物佢未做完，就唔做鍋物住，搞都全場都冇鍋物食，咁都得？！
最後等到1點30分，泡菜海鮮鍋終於黎了（其他枱嘅鍋物都係宜家先上），但個湯烏冬都係未黎。泡菜海鮮鍋，材料一般，泡菜青菜很多，海鮮只係三個好大腥味嘅熟帆立貝同兩條人造蟹柳。湯底還可以，但不敢飲太多，驚味精重。
在等呢個鍋嘅期間，屋企人就去左洗手間，就見到我前邊提到的今日最驚嚇嘅一幕，講多一次：廁所廚房污糟到極，刺身師傅冇帶口罩，冇戴手套，一邊整刺身一邊玩手機。屋企人去完洗手間返黎，我正食緊剛黎的泡菜海鮮鍋。佢話：“等你食完，我同你講樣野”， 我一聽心知不妙，話“你宜家講啦”，佢就將所見話我知。我聽完就係想嘔返晒所有食物出黎。我們決定唔食了，未黎嘅烏冬，同埋再次encore嘅三文魚刺身都唔等了。埋單走人，當時係1點40分。一毫子tips冇俾。食後感就係: 呢間店冇樣好，真係唔明點解仲咁多人贊佢呢樣贊佢嗰樣。同佢隔一條街，有間同樣大熱嘅放題店, 兩者相比，我覺得金田在各方面都差幾條街嘅水平。就呢種食物質素，呢種上菜速度，呢種食物衛生，絕對blacklist，永無下次。
Post
