うまい鮨勘

Open Now

Now Closed

如果以香港日本餐廳嘅刺身質素嚟講呢，呢度$888絕對係合理嘅，吞拿魚嘅中腹、帶子都幾好食，若然壽司飯可以有提升嘅話呢間嘢直頭係抵食添。串燒唔差，只能夠話品種唔夠多。有啲食品呢，唔需要每次都嚟兩件，望住藍色嗰張紙寫住食淨要收幾多錢，我一路食就一路好擔心好大壓力，而且都見到OpenRice有其他食評有咁樣提到有呢個問題，成餐飯食得唔係幾舒服。飲品方面，期望會有一啲無糖嘅飲品。熱茶、冰茶、水等等其他熱嘅或者熟食種類，亦都比較少。年輕人見到呢個價錢可能會選擇去咗食旺角尖沙咀大xx嗰啲放題。甚至乎呢個價錢，比起酒店嘅buffet都貴。咁但係呢間餐廳嘅質素絕對係唔差嘅。可能人流量始終唔夠多。呢啲食材唔新鮮都有少少問題，我覺得蕃茄沙律嘅蕃茄可能唔好用啲太熟已經起沙嘅，本人食完係有少少唔舒服（敏感腸胃，平日食嘢太辣太油都會有同樣情況），同行嘅朋友就完全冇問題嘅。已經盡咗力，送嘅嗰個刺身真係食唔到啦希望呢間鋪頭都做得住，個人認為未有其他食評講得咁偏頗嘅🙏🏿🙏🏿都值得大家嚟試吓