定食 Doraya (駱克道)

Open Now

Now Closed

話說今晚等FD收工去食野已經係11點幾，係銅鑼灣仲有咩揀？鍾意食刺身既我即刻諗到定食，無計，因為呢到既吞拿魚太正喇，而且唔算貴！一如以往今次都係揀左自選丼，貪佢可以自己揀番3樣想食既刺身，今日我就揀左香燒吞拿魚扒、 甜蝦同埋三文魚，老實講之前真係唔太好吞拿魚，不過呢到既吞拿魚扒燒到半熟，食落有入口即溶既感覺，真係好正；另外佢既甜蝦都5條大大隻，好爽口同有鮮味；至於三文魚都一樣肥美，整體份量比平時既刺身丼大，另外佢既配菜都唔少，玉子好厚身都甜，仲有湯同前菜，真係男仔食都夠晒飽。FD話想試生蠔，我地就叫左一人一隻，佢既生蠔都好滑冇沙粒同腥味，不過佢屬淡海水味，我自己本身就鍾意食海水味重啲既生蠔。總括黎講，百令蚊就食到呢餐，性價比都真係高，所以之後都會再黎。