新港海鮮火鍋

Open Now

Now Closed

一行6人，唔知食咩，打邊爐一定唔會錯。有食齋、有唔食牛，各式各樣一樣滿足到。叫咗半份象拔蚌刺身，加多少少錢就跟一份刺身拚盆，包括有三文魚、帶子、劍魚、原隻赤具、北期貝、喜靈魚⋯⋯象拔蚌半份都有好多，新鮮、好味。刺身都夠鮮味。叫咗海鮮湯底，有好多隻蝦及花甲，仲有好多菇菇一起。肥牛、肥瘦適中，有口感。豬腩片，有肥味，好食炸魚皮，出色，大大片又唔會油淋淋。鱔片，正常味道。菜肉餃子，大大碟、大大粒，都好新鮮。蔬菜都好大份、綠油油。最窩心食飽送你奶凍甜品一份，正。食物質量好、服務員態度唔差，有禮貌，難怪6:30已經有8成以上入坐率。