伊賀日本燒肉料理 (Closed)

爹哋生日，次次都係酒樓食海鮮有啲悶，今次大家提議食燒肉，係OpenRice search下，見到伊賀有不少好評。最尾就揀咗喺尖沙咀的伊賀 !地方就腳，地鐵行去都係幾分鐘行入去都係幾分鐘，到門口已經好有燒肉餐廳的氣氛，有開揚落地玻璃，坐得好舒服，枱與枱之間都幾闊落。最正係燒肉之餘又可以食刺身，D 刺身排到靚一靚，帶子軟滑，北寄貝有甜味，三文魚肥美。燒肉係以件數黎落單，每樣試少少就可以樣樣都試吓，牛肉上枱，一睇就知質素不錯，脂肪分布好均勻，我最愛牛舌，油脂格外平均，不會太肥又爽口。另外一口牛都幾唔錯，肉質嫩滑。最喜歡就係燒雞泡魚干, 唔太肥, 但又可以不斷gam 食不斷gam 食。海鮮都有幾款，青口同大蝦款款都大大件。唯一美中不足的是蜆有2粒唔開口。個人覺得必食係燒大蝦，大隻又新鮮，而且蝦肉超甜。當然仲有不可錯過的燒菠蘿啦。總括而言，呢度每款肉類質素都幾不錯， 燒出黎香味令人流哂口水，但食完個身唔會好大油煙味，環境、服務都超高，可以再encore。